Buxoro davlat universiteti Raqamli ta’lim texnologiyalari departamenti xodimlari tomonidan Buxgalteriya hisobi va statistika kafedrasida “Axborot xavfsizligi” mavzusida davra suhbati tashkil etildi.
Tadbir davomida axborot xavfsizligining asosiy yo‘nalishlari yoritilib, ishtirokchilarga quyidagi masalalar bo‘yicha batafsil ma’lumotlar berildi:
- Axborot xavfsizligining asosiy tamoyillari
- Shaxsiy ma’lumotlarni to‘g‘ri muhofaza qilish usullari
- Parol siyosati va xavfsiz internetdan foydalanish qoidalari
- Kiberhujumlarning oldini olish bo‘yicha amaliy tavsiyalar
Davra suhbati jarayonida tinglovchilar o‘zlarini qiziqtirgan savollarga javob oldilar, axborot xavfsizligini ta’minlashda qo‘llanilayotgan zamonaviy yechimlar va himoya usullari bilan tanishdilar.
Ushbu tadbir universitet jamoasi o‘rtasida kibermadaniyatni yuksaltirish, axborot xurujlarining oldini olish hamda raqamli savodxonlikni oshirishga qaratilgan ishlarning navbatdagi bosqichi bo‘ldi.
