"Butunjahon ko'zi ojizlar huquqlarini himoya qilish kuni" munosabati bilan BuxDUda tadbir tashkil etildi
Bugun Buxoro davlat universiteti Yoshlar ittifoqi “BuxDU Volontyorlar markazi” tashabbusi bilan Ko'zi ojizlar jamiyati Buxoro viloyati Kengashi hamkorligida 13-noyabr- "Butunjahon ko'zi ojizlar huquqlarini himoya qilish kuni" munosabati bilan “Mehr, e’tibor va imkon — barchamiz uchun!” shiori ostida tadbir bo'lib o'tdi.
Tadbir ko'zi ojizlar madhiyasi ijrosi bilan boshlandi. Tadbirni Buxoro davlat universitetining Yoshlar masalalari va ma’naviy-ma’rifiy ishlar bo‘yicha birinchi prorektori Dilshod Yavmutov kirish so'zi bilan ochib berdi. Shuningdek, bugungi ko'rgazmada o'z mahsulotlari bilan ishtirok etayotgan O'zbekiston tiflomarket rahbari Panjiyev Shokir so'zga chiqib, o'z tashkiloti haqida ma'lumot berib o'tdi.
Tadbir davomida olamni qalbi bilan ko'radigan insonlarga bag'ishlangan videorolik namoyish etildi.
