Buxoro davlat universiteti rahbar xodimlari tomonidan dekan o‘rinbosarlari hamda tyutorlar uchun seminar-trening tashkil etildi.
Seminarda universitet birinchi prorektori A. Nazarov, Inson resurslarini boshqarish departamenti boshlig‘i U. Fayziyeva,
Korrupsiyaga qarshi kurashish “Komplaens nazorat” tizimini boshqarish bo‘limi boshlig‘i Yo. Quliyev hamda Yoshlarni ma’naviy yuksalishga ko‘maklashish departamenti boshlig‘i A. Avezovlar ishtirok etdilar.
Seminar-trening davomida quyidagi masalalar atroflicha muhokama qilindi:
Talabalar o‘rtasida jinoyatchilik va huquqbuzarliklarning oldini olish;
Ijarada yashovchi talabalarni nazorat qilish hamda ularning yashash sharoitlarini o‘rganish;
Universitet ichki tartib-intizom qoidalariga qat’iy rioya etilishini ta’minlash;
Talabalar turar joyi (TTJ) to‘lovlari hamda to‘lov-kontrakt mablag‘larini o‘z vaqtida amalga oshirish;
Hujjatlar ijrosi va ijro nazoratini kuchaytirish.
Tadbir davomida mas’ullarga aniq vazifalar belgilab berildi hamda mavjud muammolar yuzasidan taklif va tavsiyalar bildirildi. Seminar-trening ochiq muloqot tarzida tashkil etilib, ishtirokchilar o‘zlarini qiziqtirgan savollarga batafsil javob oldilar.
Seminar yakunida belgilangan topshiriqlar ijrosini o‘z vaqtida va sifatli ta’minlash yuzasidan mas’uliyatli yondashish zarurligi ta’kidlandi.
