Yurtimizda yosh avlodga puxta va mukammal ta’lim-tarbiya berish, ularni yuksak ma’naviyat, sog‘lom tafakkur sohibi bo‘lib voyaga yetkazish, milliy mentalitetimizga yot g‘oyalar ta’siridan himoyalashning muhim sharti sifatida alohida e’tibor qaratilmoqda.Yoshlar qalbida Vatanga bo`lgan muhabbat va sadoqat tuyg‘ularini yanada kuchaytirish, unib-o`sib kelayotgan yosh avlodning iste'dodini har tomonlama kamol toptirish, yosh avlodning madaniy saviyasini yuksaltirish biz pedagoglarning hozirgi kundagi muhim vazifasidir. Respublikamiz Prezidenti Islom Karimov tomonidan qabul qilinayotgan qator farmon va qarorlar 2012 yil 10 dekabrdagi PQ-1875 ,,Chet tillarni o’rganishni takomillashtirish chora-tadbirlari”, 2014 yil 19 fevraldagi “Sog`lom bola yili” davlat dasturi to`g`risidagi PQ-1233-son qarori bilan tasdiqlangan Davlat dasturining 13-bandi ijrosini ta’minlash maqgsadida 2014 yil 29-aprel sanasida Buxoro davlat dniversiteti “Poman-german filologiyasi” kafedrasi professor-o`qituvchilari va talabalari tomonidan Kogon maishiy xizmat KHKda tadbir tashkil qilindi. Tadbirda Kogon maishiy xizmat KHKining direktori o’rinbosari Sh.Sh.Fayziyev, Kogon maishiy xizmat KHK ining ma’naviy-ma’rifiy ishlar bo`yicha direktori o’rinbosari N.Xudoyqulova, Buxoro davlat universiteti roman-german kafedrasi mudiri O.I.Adizova, fransuz tili o’qituvchisi M.M.Jo’rayeva, KHK fransuz tili o’qituvchisi M.Navro’zova, KHK ingliz tili o’qituvchisi N.Imomova va kollejning barcha o’qituvchilari hamda o`quvchilari ishtirok etishdi. Bu tadbirdan maqsad o’quvchilarning chet tillarini o’rganishga bo’lgan qiziqishlarini yanada uyg’otish, mustahkamlashdir. Tadbir kollej o’rinbosari SH.SH.Fayziyevning kirish so`zi bilan boshlandi.Talabalarimiz tomonidan tayyorlangan turli tillardagi maqollar, qo’shiqlar, sherlar, tez aytishlar, topishmoqlar, sahna ko’rinishlari, videoroliklar tomoshabinlarga taqdim etildi. Universitetimizda tashkil etilgan “Foriegn languages” nomli chet tillarni o’rgatish bo’yicha tayyorlov kurslari tashkil etilganlihi aytilib o`quvchilar taklif qilindi.Shu bo’yicha ularga qisqacha video rolik ham taqdim etildi. Universitet ustozlari so’zga chiqib chet tillarning bugungi kundagi ahamiyati, o`rni, chet tillarni o’rganish va o’rgatishdagi afzalliklari tushuntirildi. Ustozlar o’z tajribalari misolida kollej bitiruvchilari va o’quvchilariga keraklicha maslahatlar berishdi, ularni qiziqtirgan savollarga batafsil javob berdilar. [widgetkit id=30]
