Oila – bugungi kunning tafakkuri, ma’naviyati, jamiyatda tutgan o`rni, baxti va omadi kabi hayotining mazmuni va ma’nosini tashkil etuvchi qadriyatlarning inson manfaatiga xizmat qilishini ta’minlashda qalqon bo`lgan muhim ijtimoiy muhitdir. Sharqda oila qadimdan muqaddas qo`rg`on hisoblangan.O`zbek oilalarining serildizlik, serbutoqlik xususiyatlari qadimdan va hozir boshqa millat kishilarida xam hayrat, ham hurmat uyg`otgan xususiyatdir.O`zbek oilasida ayol,ona ana shu qo`rg`onning posbonlari, oilaning muqaddasligini ta’minlovchi mo`tabar insonlardir. 2014 yil - Sog`lom bola yili munosabati bilan o`smirlar reproduktiv salomatligini mustahkamlash va sog`lom oilani shakllantirish, nasldan naslga o`tuvchi tug`ma kasalliklarning oldini olish maqsadida Ma’naviyat va ma’rifat bo`limi, Tabiiy fanlar fakulteti, «Ibn Sino salomatlik maskani» ma’rifat markazi, Salomatlik va tibbiy statistika instituti bilan hamkorlikda 2014 yil 18 noyabr davra suhbati tashkil etildi. Tadbirda Viloyat Salomatlik va tibbiy statistika instituti STT bo`lim boshlig`i A.Z.Mirzaeva qizlarga turmush qurishda kerak bo`ladigan maslahatlarni berishdi. SHu bilan birga “Reproduktiv – salomatlik nima?”, “Erta nikohning salbiy oqibatlari”, “Qarindoshlar quda bo`lishi yaxshimi?” mavzularida talabalar bilan muloqot tashkil qilindi. Davra suhbatidan qizlar o`zlariga kerakli maslahatlarni olishdi va ularni qiziqtirgan savollarga mutaxassislar tomonidan atroflicha javob berildi.
