Buxoro davlat universitetining Chaqiriqqacha harbiy tayyorgarlik fakultetida “Sport salomatlik va sog‘lom kelajak poydevori” mavzusida davra suhbati o‘tkazildi.
Bu tadbirda boks bo‘yicha O‘zbekiston terma jamoasi a’zosi, 2017-yilgi jahon kubogi g‘olibi, “O‘zbek taygers” a’zosi, BuxDUning Jismoniy madaniyat fakultetining 4-kurs talabasi Mironshoh Ibragimov hamda badiiy gimnastika bo‘yicha Xalqaro turnir g‘olibi, sport ustasi, Zulfiya nomidagi davlat mukofoti sovrindori Gulnoza Aliyevalar ishtirok etdilar.
Chaqiriqqacha harbiy tayyorgarlik fakulteti dekani, podpolkovnik I.Nishanbayev so‘zga chiqib, tadbir ishtirokchilariga “Yoshlarni harbiy vatanparvarlik ruhida tarbiyalash konsepsiyasi” va shu asosda qabul qilingan Nizom hamda “O‘zbekiston respublikasida yoshlarga oid davlat siyosatini amalga oshirishga qaratilgan qo‘shimcha chora-tadbirlar Dasturi” ijrosi yuzasidan fakultetda amalga oshirilayotgan ishlar to‘g‘risida to‘xtatilib o‘tdi.Shuningdek, talabalar M.Ibragimov va G.Aliyevalar o‘zlarining sportda qanday qilib yutuqqa erishayotganliklari, sport bilan shug‘ullangan odam hamisha sog‘lom, baquvvat va har tomonlama yetuk inson bo‘lishi borasida fikr-mulohazalar bildirdilar. Jahon arenalarida yurtimiz bayrog‘ini yuksaklikka ko‘targanliklari bilan faxrlanishlarini ta’kidladilar.
Tadbir so‘nggida sportchilar talabalarning ko‘plab savollariga javob qaytardilar.
Mannon Otaboy,
BuxDU: matbuot kotibi
