O`sib kelayotgan yosh avlodni vatanparvarlik ruhida tarbiyalash, intellektual rivojlangan, jismonan sog`lom va ma’nan barkamol qilib voyaga yetkazishda kitobning o`rni va ahamiyatini yanada kengaytirish maqsadida 26-may kuni Buxoro davlat universitetida “Adabiyotga e’tibor– ma’naviyatga, kelajakka e’tibor” shiori ostida respublika “Kitob bayrami” bo`lib o`tdi.Unda oliy o`quv yurtlari, akademik litsey va kasb-hunar kolleji talabalari, shuningdek, taniqli shoir va yozuvchilar, el suygan aktyor va san’atkorlar ishtirok etdi. Tadbir doirasida universitetda kitob, gazeta va jurnallar yarmarkasi tashkil qilindi. Tadbirda so`z olgan yozuvchi va shoirlar, professor -o`qituvchilar yoshlarning vatanparvarlik, kitobsevarlik tuyg`ularini e’tirof etib, kitobga, ma’rifatga oshno bo`lib o`sgan inson kelajakda hech qachon o`z yurti, xalqiga xiyonat qilmasligini ta’kidlab o`tdilar. Tadbir davomida yosh qalamkash o`quvchi hamda talabalar o`z ijodlaridan namunalar o`qib, “Eng yaxshi kitobxon ”, “Eng yaxshi she’rxon”, “Mumtoz adabiyotning eng yaxshi bilimdoni” nominatsiyalari bo`yicha taqdirlandilar.
