Mazkur tashriflar davomida talabalar boy tarixiy merosimiz, milliy qadriyatlarimiz va me’moriy obidalar bilan yaqindan tanishdilar. Sayohat jarayonida ular Bahouddin Naqshband, Ark qal’asi, Ismoil Somoniy maqbarasi hamda Chashmai Ayub kabi tarixiy obidalarni ziyorat qildilar. Shuningdek, shahardagi muzeylarda saqlanayotgan noyob eksponatlar orqali o‘tmish hayoti, madaniyati va davlatchilik an’analari haqida batafsil ma’lumotlarga ega bo‘ldilar.
Bunday ma’naviy-ma’rifiy tadbirlar talabalarning tarixiy ongini mustahkamlash, ularning kasbiy bilimlarini boyitish hamda milliy merosimizga hurmat ruhida tarbiyalashda muhim ahamiyat kasb etadi.
