1. Buxoro davlat universiteti Raqamli ta’lim texnologiyalari departamenti (RTTD) Oliy ta’lim, fan va innovatsiyalar vazirligining 2024 yil 10 dekabrdagi 02/22 4/1-10583-sonli xatiga asosan quyidagilardan ogohlantiradi.
- “Kiberxavfsizlik markazi” davlat unitar korxonasi tomonidan oʻz vakolatlari doirasida olib borgan monitoring ishlari davomida ijtimoiy tarmoqlar va messenjerlarda axborotlashtirish obyektlarining axborot va kiberxavfsizlik holatini taʼminlanganligiga salbiy taʼsir koʻrsatuvchi “.exe” kengaytmadagi zararli amallarni bajaruvchi dastur tarqalayotganligi aniqlangan.
- Axborotlashtirish obyektini zararli fayl bilan zararlanishi tashkilotning axborot kommunikatsiya infratuzilmasida mavjud tijoraat sirlari, konfidensial ma’lumotlar, xodimlarning shaxsiy ma’lumotlari va boshqa turdagi ma’lumotlarni katta_hajmda sizib chigishi, shuningdek boshqa salbiy holatlarni yuzaga kelishiga olib kelishi mumkin.
2. Universitet xodimlari, professor-o‘qituvchilarini zararli fayldan zararlanish yoki biror bir manba orqali ularga kelib tushish holatlari kuzatilganda zudlik bilan Raqamli ta’lim texnologiyalari departamenti mas’ul xodimlarini xabardor qilishingizni so‘ragan holda birlamchi bartaraf etish va zararni kamaytirish choralari sifatida quyidagilami amalga oshirish tavsiya etiladi:
- dasturni ishga tushirmaslik va tarqatmaslik;
- zararlangan axborotlashtirish obyektini umumiy axborot-kommunikatsiya infratuzilmasidan ajratish;
- axborot-kommunikatsiya infratuzilmasi va undagi axborotlashtirish obyektlarida himoya vositalarini, jumladan antivirus dasturiy ta’minotini o‘rnatish, shuningdek himoya vositalarining versiyasi va signaturalar bazasini dolzarbligini ta’minlash.
Raqamli ta’lim texnologiyalari departamenti
