+998 (65) 221 29 14

+998 (65) 221 27 64

Moliyaviy faoliyat

  1. Bosh sahifa  
  2. Moliyaviy faoliyat  
  3. Ijtimoiy muhofaza

Ijtimoiy muhofaza

16.03.2022

Buxoro davlat universiteti xodimlar va talabalar kasaba uyushma qo‘mitasi tomonidan 2018-yil davomida bajarilgan ishlar to‘g‘risida ma’lumot
             Buxoro davlat universiteti xodimlar va talabalar kasaba uyushma qo‘mitasi tomonidan 2018-yil davomida muayyan ishlar amalga oshirildi.
            Kasaba uyushma qo‘mitasi jamoada mehnat qonunchiligini to‘g‘ri bajarilayotganligini, xodimlardan tushgan ariza hamda murojaatnomalarni to‘g‘ri va o‘z vaqtida tahlil qilinayotganligini nazorat qildi. Xodimlarning huquqiy va bozor munosabatlarining eng dolzarb masalalari bo‘yicha savodxonligini yuksaltirishga ko‘maklashdi. Xodimlarni kasbi, mutaxassisligi, malakasi va mehnat shartnomasiga ko‘ra ishga joylashishiga ko‘maklashildi.
           BuxDUda olti kunlik ish haftasi belgilangan. Barcha xodimlar (navbatchilikdan tashkari) uchun umumiy dam olish kuni yakshanba hisoblanadi.
                 Ish haqini to‘lash muddatlari: oyda ikki marta amalga oshirildi. Barcha xodimlarning ish haqi  (70), 100 % miqdorda ularning plastik kartochkalariga ko‘chirib kelinmoqda. 2018-yilda universitetda ish haqidan qarzdorlik holati kuzatilmadi. Universitet bo‘yicha tarif stavkalari va lavozim maoshlari miqdori oshirilganda xodimga mehnat haqi ana shu davrdagi barcha ish kunlar uchun yangi tarif bo‘yicha  qayta hisoblab chiqilib  to‘lanmoqda. Universitetda jami 14 nafar nogiron professor-o‘qituvchi, ishchi-xodimlar bo‘lib, shulardan 10 nafari 100% lik, 4 nafari 50% lik nafaqa oladi. Xodimlar tomonidan mehnat vazifalarining bajarilishi mehnat shartnomalari, mansab yo‘riqnomalari hamda Universitet nizomiga binoan ta’minlandi. 2018-yilda universitet rektori va kasaba uyushma qo‘mitasi tomonidan universitetda faoliyat ko‘rsatayotgan jami 600 nafarga yaqin professor – o‘qituvchilar, ishchi - xodimlar faxriy yorliq hamda tashakkurnoma bilan taqdirlandilar.
         Hisobot yilida xodimlarning mehnat vazifalarini bajarish bilan bog‘liq holda sog‘lig‘iga shikast yetkazilishi yoki vafot etishi hollari yuz bermadi. Universitetda mehnat muhofazasi vakillari va komissiyasi a’zolari tomonidan barcha xodimlarning mehnat muhofazasi qoida va yo‘riqnomalar talablariga  amal qilishi ustidan doimiy nazorat o‘rnatildi. Mehnat muhofazasining ahvoli, mehnat muhofazasi bitimining bajarilishi yuzasidan nazorat olib borildi. Mehnat muhofazasi bo‘yicha vakil va komissiya tomonidan o‘tkazilgan tekshiruv natijasi yuzasidan, xo‘jalik rahbarlarining bo‘lim boshliqlariga berilgan takliflarni o‘z vaqtida bajarilishi doimiy nazorat qilindi.
      Ish o‘rinlaridagi mavjud kamchiliklarning ayniqsa mehnatni muhozafa qilish, texnika xavfsizligini ta’minlash masalasidagi muammolarni bartaraf etilishini va tegishli choralar ko‘rilishini ish beruvchidan talab qilindi va amalga oshirildi. Kasaba uyushma qo‘mitasi tomonidan a’zolarning mehnat qilish huquqini himoya qildi. Kasaba uyushma a’zolari orasida har bir bo‘limda mehnat intizomini mustahkamlashga qaratilgan tushuntirish va tashkiliy ishlarini olib bordi hamda mojarolarga olib keluvchi vaziyatlarning oldini olishga qaratilgan choralar ko‘rildi. Mehnat muhofazasi bo‘yicha vakil jamoatchilik nazorati ishlarini bajarish uchun ma’muriyat zarur sharoit yaratib berib va unga  o‘rtacha  ish haqi saqlangan holda har haftada ish paytida 2 soatdan kam bo‘lmagan  vaqt ajratdi.
               “Faol tadbirkorlik, innovatsion g‘oyalar va texnologiyalarni                        qo‘llab-quvvatlash yili” Davlat dasturi bandlarini bajarish bo‘yicha: O‘zbekiston Qurolli kuchlarining 26 yilligi hamda 14-yanvar “Vatan himoyachilari kuni” munosabati bilan jamoadagi va Buxoro davlat universitetida faoliyat ko‘rsatgan keksa yoshdagi erkak professor-o‘qituvchi va ishchi-xodimlarni taklif qilib, bayram  tadbirlari tashkil qilindi va esdalik sovg‘alari bilan taqdirlandi.
                   Afg‘onistonda xalqaro terrorizm va diniy ekstremizmga qarshi harbiy harakatlar tugatilganligining 29 yilligi munosabati bilan Buxoro davlat universitetida faoliyat ko‘rsatayotgan 7 nafar baynalminalchilarga universitet kasaba uyushma qo‘mitasi tomonidan qimmatbaho sovg‘alar bilan taqdirlandi.   
          Kasaba uyushma qo‘mitasi yosh xodimlarning ijtimoiy huquqlari va kafolatlarini himoya qilish ishlarini yanada mukammallashtirish uchun mavjud huquqiy-normativ bazadan foydalandi. Xodimlarni xalqaro mehnat tashkilotining 138, 182-sonli Konvensiyalariga binoan ishga qabul qilish uchun eng kichik yoshga rioya etish hamda bolalar mehnatining og‘ir shakllarini taqiqlash yuzasidan aniq maqsadga yo‘naltirilgan ishlar olib borildi.

         Joriy yilning 1-sentabr Mustaqillik kuni munosabati bilan keksalar va nogironlar uylaridan xabar olindi. 50 nafar kam ta’minlangan oilalar farzandlariga jami 2 mln. so‘m miqdoridagi o‘quv-qurollari olib berildi. 1-oktabr’ “O‘qituvchi va murabbiylar kuni” bayramini soha xodimlari o‘rtasida munosib ravishda keng nishonlandi. Sermashaqqat va samarali mehnatlarini munosib rag‘batlantirish, ta’lim tizimida erishilayotgan yutuqlarga ko‘shgan salmoqli hissasi uchun universitetda faoliyat ko‘rsatayotgan professor-o‘qituvchi, faxriy xodim va murabbiylarga hurmat va ehtirom ko‘rsatilib, qimmatbaho sovg‘alar va faxriy yorliqlar bilan taqdirlandilar.

Hisobot yilining 8-dekabr Konstitutsiya kunini o‘tkazish munosabati bilan “Konstitutsiyamiz faxrimiz” nomli davra suhbati tashkil etildi. “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” Davlat dasturining maqsadlari va vazifalarini aholining barcha qatlamlari o‘rtasida quyidagi yo‘llar bilan keng tushuntirish ishlari tashkil etildi. Universitet nashrlarida 2018-yil – “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” maxsus ruknlari tashkil etildi.

Universitet saytida alohida rukn tashkil etildi va 36 ta tadbir yuzasidan maqolalar berib borildi. 2018-yilga mo‘ljallangan dastur ishlab chiqildi. Ushbu dasturning 13 ta bandi bo‘yicha 46 ta tadbir o‘tkazildi. Ushbu tadbirlarda 6850 nafar talaba, 870 nafar professor-o‘qituvchi hamda ishchi-xodimlar ishtiroki ta’minlandi.

 BuxDU ma’muriyati hamda kasaba uyushma qo‘mitasi o‘rtasida                                     2017-2019-yillarga mo‘ljallab tuzilgan jamoa shartnomasida                                 professor-o‘qituvchi, ishchi-xodim va talabalardan iborat 9610 nafar a’zoning ijtimoiy-iqdisodiy, huquqiy intellektual manfaatlarini himoya qilish maqsadida 15 bo‘lim, 174 banddan iborat masalalar o‘z aksini topgan. Jamoa shartnomasida ish vaqti va dam olish vaqti, bandlik kafolatlari, mehnatga haq to‘lash, ijtimoiy imtiyoz va kafolatlar, mehnat muhofazasi, mehnat imtiyozi, madaniy-ma’rifiy tadbirlar va sport-sog‘lomlashtirish ishlari, ayollar mehnatini tartibga solish, yoshlar uchun qo‘shimcha imtiyoz va kafolatlar bo‘yicha tomonlarning majburiyatlari belgilangan. Joriy yilning 16 noyabr kuni jamoaning kengaytirilgan yig‘ilishida universitet ma’muriyati hamda kasaba uyushma qo‘mitasi o‘rtasida 2017-2019-yillarga mo‘ljallab tuzilgan Jamoa shartnomasiga o‘zgartirish va qo‘shimchalar kiritildi. Ushbu qo‘shimchalar universitet reytingi va ilmiy salohiyatini ko‘tarishga hamda a’zolarni ijtimoiy qo‘llab-quvvatlashga qaratilgan.

Hisobot yili davrida ishchi-xodimlardan 205 nafari Buxoro shahridagi 11-son oilaviy poliklinikadan 9 yo‘nalish bo‘yicha tibbiy ko‘rikdan o‘tkazildi. Tibbiy ko‘rikdan o‘tkazish uchun har bir xodimga 31 ming so‘mdan jami 6 mln  355 ming so‘m mablag‘ sarflandi.

Universitet kasaba uyushma qo‘mitasi rahnamoligida 9 nafar  chin etim,                      65 nafar nogiron talabalar, shuningdek 8 nafar yakka yolg‘iz yashovchi                       professor - o‘qituvchilar, 12 nafar nogiron xodimlar, 127 nafar kam ta’minlangan  talabalar, 67 nafar kam ta’minlangan xodimlar bo‘lib, ular har chorakda ma’muriyat va kasaba uyushma qo‘mitasi tomonidan moddiy va ma’naviy qo‘llab borilmoqda. Talabalar turar joyida 664000 yillik to‘lov bilan 1500 nafar talabaga joy ajratildi. 4 marotaba 8 mart “Xalqaro xotin-qizlar kuni”, 21-mart “Navro‘z” hamda 9-may “Xotira va qadrlash kuni” hamda 1 oktabr “O‘qituvchi va murabbiylar kuni” bayramlari munosabati bilan 3 avlod uchrashuvi va homiylar dasturxoni yozildi. 9-may “Xotira va qadrlash kuni” arafasida universitetning professor-o‘qituvchi va ishchi-xodimlari ishtirokida sportning mini futbol, stol tennisi va shashka turlari bo‘yicha sport musobaqalari o‘tkazildi. G‘oliblar kasaba uyushma qo‘mitasining diplom va qimmatbaho sovg‘alari bilan taqdirlandi O‘zbekiston Respublikasida belgilangan barcha tadbir va bayramlar jamoada keng nishonlandi. Universitet kasaba uyushma qo‘mitasi mablag‘lari hisobidan 2018 yil o‘quv yili boshlanishi arafasida professor-o‘qituvchi va ishchi-xodimlarning umumta’lim maktablarida tahsil olayotgan ko‘p bolali kam ta’minlangan oilalarning farzandlariga O‘zbekiston Respublikasi Mustaqilligining 27 yilligi munosabati bilan har biri 40000 (qirq ming) so‘mdan bo‘lgan 50 dona jami 2 mln. so‘mlik o‘quv qurollari komplekti olib berildi. 3-dekabr “Nogironlar kuni” munosabati bilan 75 nafar talabaga 0,5 koeffitsient bilan stipendiya miqdorida rag‘batlantirish berildi.

         Hisobot yilida 26 dona yo’llanma kasaba uyushmasining 10% mablag‘lari hisobidan olindi shuning 18 donasi xodimlarning ota-onasi, davolanishi uchun berildi. SHuningdek, 26 dona yo‘llanma kasaba uyushmasining ijtimoiy sug‘urta mablag‘lari hisobidan olinib, shundan 2 tasi imtiyozli kam ta’minlangan bemor ayolga hamda afg‘on urushi qatnashchisiga Davlat dasturi bo‘yicha bepul berildi. Jami olingan yullanmalarning 20 donasi ayollarni sog‘lomlashtirish uchun berildi. Iqtisodiy kam ta’minlangan, oilasida ta’ziya bo‘lgan xodimlarga jamisi bo‘lib yil davomida 25 mln 428 ming 600 so‘m moddiy yordam  ko‘rsatildi. Madaniy tadbirlar uchun ajratilgan mablag‘ 24 mln. so‘m, sport tadbirlari tashkil qilindi, faollar rag‘batlantirilib borildi.

         Jamoa shartnomasining mehnat muxafazasi bo‘yicha bitimi bandlarini bajarish bo‘yicha doimiy ravishda mehnat muxofazasi va texnika xavfsizligi bo‘limi mutaxassislari bilan hamkorlikda yil davomida o‘quv seminarlar, talabnomalar, dalolatnomalar to‘ldirilib borildi.   

         Kasaba uyushma qo‘mitasi a’zolarining mehnat qilish huquqini himoya qildi. Ish joylaridagi mavjud kamchiliklarni o‘z vaqtida bartaraf etilishiga erishildi. Ish joylarini mehnat muhofazasi, xavfsizlik texnikasi va  sanitariyasi qoidalari talablariga muvofiq holatga olib kelish borasida ish beruvchi tomonidan tegishli choralar ko‘rilishi yuzasidan chora-tadbirlar ko‘rildi. Universitetda mehnat va turmush sharoitlari ahvolining jamoat nazoratini tashkil qilib kasaba uyushma qo‘mitasi a’zolari orasida mehnat intizomini mustahkamlashga qaratilgan tushuntirish va tashkiliy ishlarni olib bordi, mojarolarga olib keluvchi vaziyatlarni oldini olishga qaratilgan choralarni ko‘rdi.

           Kasaba uyushmalari Federatsiyasining 2019-yil uchun 24 dona «Ishonch», 8 dona «Ishonch-Doverie» gazetalariga obuna tashkil etildi. Xalqaro mehnat tashkilotining “Korxonalarda mehnatkashlar vakillarining huquqlarini himoya qilish va ularga beriladigan imkoniyatlar to‘g‘risida”gi 135-Konvensiyasiga, shuningdek O‘zbekiston Respublikasi Adliya vazirligida 1995-yil 18-dekabrda 196 raqam bilan ro‘yxatga olingan “Mehnat muhofazasi bo‘yicha vakil haqida Nizom”ning 12-bandiga binoan xodimlarning quyidagi toifalari mazkur SHartnoma maqsadlarida Mehnatkashlar vakillari deb e’tirof etiladilar: saylab qo‘yiladigan sex kasaba uyushma a’zolari – 10 nafar hamda mehnatni muhofaza qilish bo‘yicha vakillar - BuxDUda - 3 nafar,

         Jamoa shartnomasi bajarilishini tekshirib boruvchi komissiyalar tomonidan (1. Xotin-qizlar, 2. Yoshlar, 3. Mehnatni muhofaza qilish, 4. Kadrlar bilan ishlash va tashkiliy masalalar, 5. Ijtimoiy-iqtisodiy, huquqiy himoya masalalari bo‘yicha, 6. Madaniy-ma’rifiy, jismoniy tarbiya, sport va sog‘lomlashtirish masalalari bo‘yicha, 7. Tovar moddiy boyliklari hisobdan chiqarish) jami bo‘lib 7 tizimdagi komissiya tuzildi. Yilda  bir marotaba mazkur Shartnoma bajarilishi yuzasidan tekshiruv o‘tkazib borildi. Jamoa shartnomasining matni va ilovalari bilan xodimlar BuxDUning xodimlar bo‘limida, mehnat muhofazasi, ish haqi va yuridik bo‘limlarda hamda Kasaba uyushma qo‘mitasida tanishtirildilar.

         Hisobot yili (2018)da universitet kasaba uyushma qo‘mitasi tomonidan universitet kasaba uyushma qo‘mitasi a’zolridan 50 nafarining Buxoro viloyati bo‘ylab “ETTI PIR”ga ziyoratlari tashkil etildi. Universitet ma’muriyati hamda kasaba uyushma qo‘mitasi hamkorligida Xorazm viloyatining Xiva shahri tarixiy obidalari bo‘ylab universitetning professor-o‘qituvchi va ishchi-xodimlaridan 48 nafari ishtirokida sayohat tashkil etildi.

         Universitetda 2018-yil Yangi yil archa bayramini ko‘tarinki ruhda o‘tkazish uchun bir guruh xodimlarning farzandlariga jami 900 nafar bolajonlar uchun Buxoro davlat qo‘g‘irchoq teatrida bo‘lib o‘tadigan yangi yil qo‘g‘irchoq teatriga chiptalar xarid qilindi. Bayram arafasida professor – o‘qtuvchilar va ishchi – xodimlarga farzandlari uchun jami 300 dona yangi yil sovg‘alari olindi.