dotsent
har kuni 10:00 dan 12:00 gacha
-
Buxoro shahar, M.iqbol 11-uy
s.s.davlatov@buxdu.uz
-
Kafedra haqida.“Yashil iqtisodiyot va agrobiznes” kafedrasi "Agrobiznes va logistika" kafedrasi (2022-yildan beri faoliyat ko‘rsatib kelgan) negizida Buxoro davlat universiteti rektorining 2023 yildagi buyrug‘iga asosan tashkil etilgan. 2023 yilga qadar kafedraga i.f.f.d., katta o’qituvchi Sherov A.U. mudirlik qilgan.
Kafedrada 2022-2023 o‘quv yilining 2 semestrida 32 ga yaqin fanning o‘quv mashg‘ulotlari 3 ta tilda olib borildi. Kafedra professor-o’qituvchilaridan 1 nafarida xorijiy til bilish sertifikatlari mavjud bo’lib, 2023-2024 o‘quv yilida kafedrada o‘qitiladigan fanlardan 4 tasi mazkur o‘qituvchi tomonidan ingliz tilida olib borildi.
2023 yil sentyabr oyidan boshlab Universitet rektorining 2023-yil 31-avgustdagi 882-Sh sonli buyrug’i asosida kafedra mudiri vasifasini vaqtinchalik bajaruvchi sifatida kafedra dotsenti S.S.Davlatov tayinlandi.
Kafedra malakali kadrlar tayyorlash bo‘yicha yuqori darajadagi ilmiy- salohiyatga ega. Hisobot davrida kafedrada jami 12,25 shtat birligida 14 nafar pedagog-xodimlar faoliyat ko‘rsatdi. Shundan 10 nafari asosiy shtatda, 4 nafari ichki hamda tashqi o‘rindoshlik asosida ishlab kelishmoqda. Asosiy shtatda faoliyat ko‘rsatayotgan pedagog-xodimlarning 5 nafar (50 foiz) ilmiy darajaga ega, 5 nafar (50 foiz) esa ilmiy darajaga ega bo‘lmagan xodimlardir. O’rindoshlik asosida faoliyat ko‘rsatayotganlar esa 1 nafari ilmiy darajaga ega. Kafedra pedagog-xodimlarining umumiy soni bo‘yicha hisoblaganda ilmiy salohiyat 50 foizni tashkil etadi. Kafedra universitet hamda fakultet Kengashlari ko‘rsatmalari asosida tasdiqlangan reja, shuningdek, kafedra majlislari asosida o‘z faoliyatini olib bordi. Barcha dolzarb masalalar kafedra majlislarida muhokama qilinib tegishli qarorlar qabul qilindi. Hisobot davrida mamlakat iqtisodiyotini oliy ma’lumotli kadrlar bilan ta’minlash, bo‘lajak mutaxassislarni me’yoriy hujjatlarda belgilangan talablar asosida bilimlar bilan qurollantirish borasida bir qator aniq ishlar bajarilgan.
60412400 -Agrobiznes va investitsion faoliyat
60411600-Logistika(agrologistika)
60411300-Biznesni boshqarish (qishloq xo’jalik)
70310109-Bioiqtisodiyot
Yashil iqtisodiyot va agrobiznes kafedrasi 10 dan ortiq Xorijiy OTMlar bilan hamkorlik memarandiumlarini imzolagan, jumladan, Kazan federal universiteti, Tojikiston milliy universiteti, Karaganda davlat texnika universiteti, Lankaster universiteti, Polshaning Adam Mickiewicz universiteti, Sank-Peterburg davlat universiteti, Latvia biznes menejment maktabi, Qirg’iziston universitetlari.
Kafedra professor-o‘qituvchilari, doktorant va yosh olimlarni xorijiy universitetlar va ilmiy markazlarda malaka oshirish va stajirovkalarga yuborishni tashkil etilganlik holati
Yashil iqtisodiyot va agrobiznes kafedrasi dotsentlari M.A. Oripov va X.R. Turobovalar Erasmus+ dasturining BioEcUz: “O’zbekistonda barqaror Bioiqtisodiyot bo’yicha yangi magistratura o’quv dasturi” loyihasi doirasida Finlandiyaning JAMK amaliy fanlar universitetiga 2023-yil 19-mayda xizmat safarida bo‘lib qaytishdi.
Yashil iqtisodiyot va agrobiznes kafedrasi mudir S.S. Davlatov Mustaqil akkreditatsiya va reyting agentligi (IAAR) taklifiga asosan ta’lim sifatini ta’minlash bo‘yicha bo‘lib o‘tadigan VII Markaziy Osiyo xalqaro forumida ishtirok etish hamda Qozog’iston Respublikasining bir qator oliy ta’lim muassasalari bilan hamkorlikni yo’lga qo’yish va tajriba almashish maqsadida Buxoro davlat universiteti delegatsiyasi 2023-yil 3-8-oktabr kunlari Ostona shahrida xizmat safarida bo‘lib qaytishdi.
Yashil iqtisodiyot va agrobiznes kafedrasi huzurida “Tabiat va Inson kapitalini rivojlantirish" markazi” ilmiy-tadqiqot markazi tashkil etildi. Shuningdek, UNDEF project grant. UN. Iqlim o‘zgarishi sharoitida "Yashil infratuzilma"ni axamiyatini yoshlarga tushuntirish va ularning biznes loyixalarini qo‘llab-quvvatlash, Oliy majlis qoshidagi NNTlarni qo‘llab-quvvatlash jamg‘armasi tanloviga “Jamoatchilik nazoratini kuchaytirish orqali korxonalarni ekologiya bo‘yicha “Ijtimoiy mas'uliyat”ini rivojlantirish va uni baxolash mexanizmlarini ishlab chiqish" mavzusi bilan qatnashgan.
Yashil iqtisodiyot va agrobiznes kafedrasi tomonidan 2023-2024 o’quv yilida 5 nafar xorijiy professorlarni jalb qilgan, jumladan:
a) Buyuk Britaniyaning Lankaster universiteti (THE xalqaro universitetlar reytingida 122-o’rinda) professorlari Do Nhu Quynh va Anas Iftikhar Iqtisodiyot (tarmoqlar va sohalar bo’yicha) ta’lim yo’nalishi 3-bosqich talabalariga Logistika fanidan 60 soatlik ma’ruza va seminar mashg`ulotlari o`tdi.
b) 2023 yil 13 sentyabrdan 2023 yil 15 sentyabrga qadar “Yashil iqtisodiyot va agrobiznes” kafedrasida Litva Respublikasining Buyuk Magnus universiteti (xalqaro universitetlar reytingi QS da 801-805 o’rinda) PhD, professor Vilija Alekneviciene “Yashil iqtisodiyot va agrobiznes” kafedrasi talabalari va magistrantlariga “Ilmiy tadqiqot metodologiyasi” fanidan 16 soatlik ma’ruza mashg’ulotlarini, Latviya Hayot fanlari va texnologiylar universiteti (xalqaro universitetlar reytingi QS da 301 o’rinda) PhD, professor Liga Proskina Iqtisodiyot (tarmoqlar va sohalar bo’yicha) ta’lim yo’nalishi 4-bosqich talabalariga “Tijorat logistikasi” fanidan 14 soatlik ma’ruza mashg’uloti, Litva Respublikasi Buyuk Magnus universiteti (xalqaro universitetlar reytingi QS da 801-805 o’rinda) PhD, professori Elvyra Jarienė Iqtisodiyot (tarmoqlar va sohalar bo’yicha) ta’lim yo’nalishi 4-bosqich talabalariga “Biznes rejalashtirish” fanidan 16 soatlik ma’ruza mashg’uloti, Litva Respublikasi Buyuk Magnus universiteti (xalqaro universitetlar reytingi QS da 801-805 o’rinda) PhD, professori Gerda Silingienė Iqtisodiyot (tarmoqlar va sohalar bo’yicha) ta’lim yo’nalishi 4-bosqich talabalariga “Yashil iqtisodiyot” fanidan 14 soatlik ma’ruza va seminar mashg`ulotlari o`tdi.
