17.05.2026

Bugun Oliy ta’lim, fan va innovatsiyalar vaziri Qoʻngʻirotboy Sharipov Buxoro davlat universitetiga tashrif buyurib, universitetning Sheyxon mahallasida barpo etilayotgan yangi, zamonaviy kampus qurilishi jarayoni bilan tanishdi.

Tashrif davomida Buxoro davlat universiteti rektori Obidjon Xamidov tomonidan yangi kampus hududida olib borilayotgan qurilish ishlari, loyihaning asosiy yo‘nalishlari va zamonaviy infratuzilma yechimlari haqida batafsil ma’lumotlar taqdim etildi. Vazir kampus hududida qurilishi rejalashtirilgan zamonaviy o‘quv binolari, laboratoriya xonalari, talabalar turar joylari, sport majmualari, yashil hududlar hamda talabalar uchun yaratiladigan qulay sharoitlar bilan yaqindan tanishdi.

Uchrashuv davomida loyiha doirasida olib borilayotgan qurilish ishlarining sifati, zamonaviy ta’lim muhitini yaratish masalalari hamda innovatsion yondashuvlar yuzasidan fikr almashildi. Shuningdek, yangi kampusning ta’lim sifatini yanada oshirish, ilmiy salohiyatni rivojlantirish va talabalar uchun zamonaviy hamda qulay muhit yaratishdagi ahamiyati alohida ta’kidlandi.

BuxDU Axborot xizmati