12.05.2026

O'zbekistonda amalga oshirilayotgan oliy ta'limni ilg'or xalqaro standartlar asosida rivojlantirish siyosati samarasi sifatida Buxoro davlat universitetining bakalavriat va magistratura bosqichidagi 16 ta ta’lim dasturi Germaniyaning nufuzli ACQUIN xalqaro akkreditatsiya agentligi tomonidan xalqaro akkreditatsiyadan muvaffaqiyatli o‘tkazildi. Universitetga rasmiy akkreditatsiya sertifikatlari topshirildi.

Akkreditatsiya natijalariga ko‘ra, ta’lim dasturlarining xalqaro standartlarga to‘liq muvofiqligi e’tirof etildi. Akkreditatsiya amal qilish muddati 2032-yil 30-sentabrgacha etib belgilandi.

Akkreditatsiyadan o‘tgan ta’lim dasturlari:
Matematika (bakalavriat, magistratura)
 Amaliy matematika (bakalavriat, magistratura)
 Fizika (bakalavriat, magistratura)
 Kimyo (bakalavriat, magistratura)
 Biologiya (bakalavriat, magistratura)
 Yurisprudensiya (bakalavriat)
 Iqtisodiyot (bakalavriat, magistratura)
 Buxgalteriya hisobi (bakalavriat, magistratura)
 Moliya va moliyaviy texnologiyalar (bakalavriat)

Mazkur natija universitetda ta’lim sifatini xalqaro standartlar asosida tashkil etish, o‘quv dasturlarini modernizatsiya qilish, ichki sifatni ta’minlash tizimini takomillashtirish hamda professor-o‘qituvchilar salohiyatini oshirish borasida amalga oshirilgan tizimli ishlarning amaliy samarasidir.

Buxoro davlat universiteti xalqaro ta’lim maydonidagi o‘z mavqeini yanada mustahkamlash va sifatli ta’limni rivojlantirish yo‘lidagi faoliyatini izchil davom ettiradi.