19.03.2026

Buxoro davlat universiteti rektori Obidjon Xamidov boshchiligidagi delegatsiya Xitoy Xalq Respublikasining Nankin audit universitetiga tashrif buyurdi.

Tashrifning dastlabki qismida delegatsiya a’zolari universitet huzuridagi Audit muzeyiga tashrif buyurishdi. Mazkur muzey Xitoyda davlat auditi tizimining shakllanishi va taraqqiyotini aks ettiruvchi noyob ilmiy-ma’rifiy markaz hisoblanadi.

Muzey eksponatlari bilan tanishish jarayonida delegatsiyaga Xitoy Xalq Respublikasida audit tizimining rivojlanish bosqichlari haqida batafsil ma’lumotlar berildi. Xususan, qadimgi Xitoyda auditning dastlabki ko‘rinishlari, keyingi davrlardagi takomillashuvi hamda zamonaviy raqamli audit tizimlarigacha bo‘lgan taraqqiyot yo‘li keng yoritib berildi.

Mazkur tashrif xalqaro tajribani o‘rganish, ilg‘or audit amaliyotlarini tahlil qilish hamda ilmiy hamkorlikni yanada rivojlantirishga xizmat qiladi.