Buxoro davlat universiteti rektorining axborot texnologiyalari bo‘yicha maslahatchisi H.I.Eshankulov boshchiligidagi delegatsiya Hindiston Respublikasining Dehli shahrida joylashgan Ilg'or hisoblash tizimlarini rivojlantirish markaziga (C-DAC) rasmiy tashrif buyurdi.
Tashrif davomida C-DAC rahbariyati bilan uchrashuv o‘tkazilib, unda sun’iy intellekt, kiberxavfsizlik va yuqori unumdor hisoblash tizimlari (superkompyuterlar) sohalarida ikki tomonlama hamkorlik istiqbollari muhokama qilindi.
Mazkur tashrif Buxoro davlat universitetining xalqaro ilmiy-texnik aloqalarini kengaytirish hamda raqamli texnologiyalar sohasida qo‘shma loyihalarni amalga oshirish uchun zamin yaratadi.
