Iordaniya Hoshimiylar Podshohligining Amman shahrida bo'lib o'tgan xalqaro ELO olimpiadasida 58 ta oliy ta'lim muassasalarining 100 dan ortiq kuchli jamoalari ishtirok etdi. Ushbu olimpiada ishtirokchilardan nafaqat nazariy bilim, balki amaliy yondashuv, innovatsion fikrlash, jamoaviy ishlash va yetakchilik qobiliyatini ham talab qildi.
Ana shunday kuchli raqobat sharoitida O‘zbekiston terma jamoasi barcha bosqichlarda yuqori natijalar qayd etib, olimpiadaning eng nufuzli va oliy mukofoti — SUPER KUBOK sohibiga aylandi. Bu yutuq jamoaning izchil mehnati, puxta tayyorgarligi, zamonaviy qarashlari va xalqaro talablar darajasidagi loyihalari samarasidir.
Super kubok O'zbekiston terma jamoasining bilim salohiyati, ijtimoiy tashabbuslari, kreativ yondashuvi va mas’uliyatli faoliyatining xalqaro miqyosda e’tirof etilganining yorqin dalilidir. Mazkur g‘alaba O‘zbekiston yoshlari xalqaro maydonda raqobatbardosh, tashabbuskor va yetuk ekanini yana bir bor isbotladi.
Ushbu muvaffaqiyat yurtimizda ta’lim, sport, sog‘lom turmush tarzi va ijtimoiy loyihalar yo‘nalishida olib borilayotgan islohotlarning amaliy natijasi sifatida ham katta ahamiyatga ega. Jamoaning yutug‘i kelajak avlodlar uchun ilhom manbai bo‘lib, yoshlarni xalqaro maydonda faol bo‘lishga undaydi
O‘zbekiston terma jamoasini ushbu ulkan va tarixiy g‘alaba bilan chin qalbdan tabriklaymiz!
Ularga kelgusi faoliyatida yanada baland marralar, yangi yutuqlar va doimiy muvaffaqiyatlar tilaymiz.
