Buxoro davlat universitetida viloyat miqyosidagi g‘oyat muhim va strategik ahamiyatga ega uchrashuv bo‘lib o‘tdi. Ushbu muloqot Buxoroning xalqaro nufuzini oshirish, madaniy merosini dunyo miqyosida targ‘ib qilish va AQSHdagi Buxoro yahudiylari hamjamiyati bilan aloqalarni yangi bosqichga ko‘tarishga qaratildi.
Uchrashuvda Buxoro viloyati hokimining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari Botirjon Zavkiddinovich Shaxriyorov, AQSHning Nyu-York shtatida chop etiladigan nufuzli “The Bukharian Times” gazetasi bosh muharriri hamda Buxoro yahudiylari yozuvchilari uyushmasi raisi Rafael Nektalov hamda Buxoro davlat universiteti rektori, professor Obidjon Xafizovich Xamidov ishtirok etdilar. Muloqot davomida uch tomonlama hamkorlikning ustuvor yo‘nalishlari — Buxoroning boy turizm salohiyatini AQSH media makonida keng yoritish, madaniy meros obyektlarini ilmiy tadqiq etish va xalqaro ommaviy kommunikatsiyalar tizimini mustahkamlash masalalari atroflicha muhokama qilindi.
⚙️Ushbu uchrashuv Buxoro viloyati ma’muriyati, ilm-fan dargohi va xalqaro media hamjamiyati o‘rtasidagi istiqbolli kooperatsiyaning yorqin ifodasi bo‘ldi.
