Buxoro davlat universiteti rahbariyati va magistratura bo‘limi tashabbusi bilan ilmiy izlanishlarini faol davom ettirayotgan 70230104 – Adabiyotshunoslik: rus adabiyoti yo‘nalishi 2-bosqich magistranti Sharipova Shamsiqamar Intizor qizi Avstriyaning Vena shahrida o‘tkazilgan nufuzli Peter Drucker Challenge xalqaro tanlovida yuqori natija qayd etib, g‘olib deb topildi. U tanlovda O‘rta Osiyo va Yevroosiyo bosh ambassodori sifatida ishtirok etib, mintaqa nomidan munosib qatnashdi.
Mazkur tanlovga 80 davlatdan 800 ga yaqin esse taqdim etilgan bo‘lib, Shamsiqamar Sharipova dunyoning markazlardan chetda joylashgan hududlarida ta’lim loyihalarini yaratish zarurati va uning global ahamiyatiga bag‘ishlangan ilmiy-analitik essesi bilan ajralib turdi. Uning ilmiy yondashuvi, mavzuni chuqur tahlil qilishi va dolzarb g‘oyalarni ilgari surishi xalqaro hakamlar hay’ati tomonidan yuqori baholandi.
Tanlov g‘olibi sifatida Shamsiqamar Sharopova 2000 yevro pul mukofoti, Harvard Business Review jurnaliga 1 yillik bepul obunaga ega bo'ldi. Ushbu yutuq nafaqat Shamsiqamar Sharipova uchun, balki Buxoro davlat universiteti ilmiy salohiyati va xalqaro maydondagi obro‘si uchun ham muhim e’tirof bo‘lib xizmat qiladi. Bu g‘alaba yosh olimlarimizning jahon miqyosidagi tanlovlarda munosib ishtirok etish salohiyatini yana bir bor tasdiqladi.
