Bugun Buxoro davlat universitetida “Kelajak soati” doirasida “21-oktabr — O‘zbek tiliga Davlat tili maqomi berilgan kun” mavzusida ma’rifat darsi o‘tkazildi. Tadbirda universitet rektori, professor Obidjon Xamidov ma’ruza qilib, ona tilimizning tarixiy ahamiyati, milliy o‘zligimiz va tafakkurimizni ifodalovchi bebaho boylik sifatidagi o‘rni haqida so‘z yuritdi.
Dars davomida talabalar tomonidan ona tiliga bag‘ishlangan she’rlar ijro etildi. Tadbir ko‘tarinki ruhda o‘tib, yoshlar qalbida ona tilimizga bo‘lgan mehr va faxr tuyg‘usini yanada mustahkamladi.
