Buxoro davlat universitetining “UNIVERSAL” sport majmuasida yirik xalqaro sport musobaqasi — CAVA College University Volleyball Championship 2025 musobaqasi start oldi. Ushbu nufuzli chempionatda Markaziy Osiyo mamlakatlarining eng kuchli, raqobatbardosh jamoalari o‘zaro kuch sinashadi. Musobaqa davomida sportchilar g‘alaba uchun murosasiz bellashuvlar olib boradilar.
Maydonda ishtirokchi jamoalar saf tortib, o‘z davlat bayroqlari ostida qad rostlagan. Sport ixlosmandlari, mehmonlar va ommaviy axborot vositalari vakillari zalni to‘ldirib, musobaqaning ochilish lahzalarini katta qiziqish bilan kuzatishmoqda. Ochilish marosimida, Buxoro viloyati hokimi Botir Komilovich Zaripov boshchiligidagi barcha huquqni muhofaza qiluvchi organlar rahbarlari ishtirok etishmoqda.
Barcha sport ixlosmandlarini ushbu bayramona musobaqa o‘yinlarini jonli tomosha qilishga chorlaymiz!
Keling, sport ruhini birgalikda his etaylik, jamoalarimizga g‘alaba tilaylik!
