Buxoro davlat universiteti san’atshunoslik va pedagogika fakulteti tasviriy va amaliy san’at kafedrasi “Kulolchilik” ustaxonasi ishlab chiqarish ta’limi ustasi Saidov Narzillo Abdullayevich o‘zining yillar davomida kasbiga sadoqat bilan xizmat qilib kelayotgan, san’at va milliy hunarmandchilikni rivojlantirishga katta hissa qo‘shayotgan fidoyi ustozlardan biridir. Ustoz O‘zbekiston Badiiy Akademiyasi “Ijodkorlar” uyushmasi hamda Respublika “Hunarmand” uyushmasi a’zosi bo‘lib, ijodiy faoliyati xalqaro miqyosda ham e’tirof etildi.
Butunjahon xalq ijodkorlari uyushmasi Prezidiumining 2025-yil 3-oktyabrdagi 25/1003-09 sonli qaroriga asosan Saidov Narzillo Abdullayevich O‘zbekiston Respublikasi xalqaro adabiyot, san’at, madaniyat va ijtimoiy fanlar akademiyasi huzuridagi butunjahon xalq ijodkorlari uyushmasi a’zoligiga qabul qilindi. Shuningdek, ushbu akademiyaning 2025-yil 3-oktyabrdagi 3/1025-09 sonli qaroriga muvofiq, ustozga “Akademik” ilmiy unvoni ham berildi.
Mazkur yutuq Buxoro davlat universiteti jamoasi uchun faxrli holat bo‘lib, bu — ustoz Saidov Narzillo Abdullayevichning fidokorona mehnati, o‘z ishiga muhabbati va yosh avlodga namunali ustozlik faoliyatining munosib e’tirofidir.
