Bugun Buxoro davlat universiteti rektori, iqtisodiyot fanlari doktori, professor Obidjon Xamidov Rossiya Federatsiyasi va Germaniyadan tashrif buyurgan bir guruh nufuzli olimlarni qabul qildi. Suhbat davomida ikki tomonlama hamkorlik, ilmiy almashinuv va qo‘shma loyihalarni amalga oshirish istiqbollari muhokama qilindi.
Qabulda quyidagi olimlar ishtirok etdilar:
•Соловьева Юлия Николаевна – marketing kafedrasi professori, iqtisodiyot fanlari doktori, professor.
•Асаул Анатолий Николаевич – iqtisodiyot fanlari doktori, professor, Rossiya Federatsiyasida xizmat ko‘rsatgan fan arbobi.
•Dr. Vladimir Makarov – Anhalt amaliy fanlar universiteti (Germaniya).
•Ikramov Murat Akramovich – Toshkent davlat iqtisodiyot universiteti marketing kafedrasi professori.
Uchrashuvda tomonlar o‘rtasida quyidagi masalalar yuzasidan kelishuvga erishildi:
•qo‘shma ilmiy tadqiqotlar olib borish,
•ikki tomonlama professor-o‘qituvchilar va talabalar almashinuv dasturlarini yo‘lga qo‘yish,
•xalqaro grant loyihalarida hamkorlik qilish,
•ekologiya, yashil iqtisodiyot va innovatsiyalar bo‘yicha qo‘shma konferensiya va seminarlarni muntazam o‘tkazib borish.
Shuningdek, uchrashuv yakunida professor Ikramov Murat Akramovich tomonidan chop etilgan “Brendni boshqarish” o‘quv adabiyoti BuxDU rektoriga sovg‘a qilindi.
Tashrif buyurgan mehmonlar ertaga universitetda o‘tkaziladigan “II Хalqaro ilmiy-amaliy konferensiya «Yashil iqtisodiyot: ekologiya va tabiiy resurslardan foydalanish muammolari ko‘p qutbli iqtisodiyot sharoitida”da ishtirok etadilar.
