BuxDUda erta tongdan bayram shukuhi hukm surmoqda. Atrofda ustozlarni madh etuvchi taronalarning jarangi, qalblarda cheksiz hayajon va minnatdorlik tuyg‘usi, tillarda esa samimiy tabrik so‘zlari yangramoqda.
Dastlab, “Ustozga ehtirom” monumenti poyiga gul qo‘yish marosimi bo‘lib o‘tdi. Ushbu tadbirda universitetimizda uzoq yillar fidokorona faoliyat yuritgan faxriy ustozlar, rahbariyat, professor-o‘qituvchilar hamda talaba-yoshlar ishtirok etdilar.
BuxDU rektori Obidjon Xamidov hamda universitet professori Siddiq Qahhorov so'zga chiqib, bugungi bayram bilan jonkuyar muallimlarni chin dildan qutlab, faoliyatlarida zafarlar tilashdi. 95 yil davomida ushbu oliy ta'lim muassasasida ta'lim bergan ustozlar xotiralanib, “Ustozga ehtirom” monumenti poyiga gul qo‘yildi.
