Buxoro davlat universitetiga Germaniyaning Lyudvig Maksimilian nomidagi Myunxen universiteti
(Ludwig-Maximilians-Universität München, QS-2025 da 58-o'rinda, THE-2025 da 38-o'rinda) delegatsiyasi tashrif buyurdi. Delegatsiya tarkibida Turkologiya va Eron tili kafedrasi mudiri Prof. Mehmet Hacısalihoğlu, professorlar Prof. Mate Rigo, Dr. Ergün Özsoy, Dr. Christl Catanzaro, asistent Zeynep Öztürk hamda 14 nafar talaba bo‘lib, jami 19 kishi ishtirok etdi.
Mehmonlar dastlab “Xalqaro turizm kuni” doirasida tashkil etilgan “Mini EXPO – Turizm yarmarkasi” tadbirida qatnashdilar. Shundan so‘ng LMU Myunxen universiteti va BuxDU professor-o‘qituvchilari hamda talabalari o‘rtasida universitet kichik yig‘ingohida uchrashuv bo‘lib o‘tdi. Tadbirni O‘quv ishlari bo‘yicha prorektor R.G‘. Jumayev ochib berdi. Uchrashuv davomida delegatsiya a’zolari hamda BuxDU vakillari ilmiy va ta’limiy sohada hamkorlik bo‘yicha o‘z taklif va tashabbuslarini bildirishdi. Shuningdek, mehmonlarga universitet ofis registratori faoliyati haqida ham ma’lumot berildi. Mazkur tashrif ikki oliygoh o‘rtasidagi do‘stona aloqalarni mustahkamlash va yangi hamkorlik imkoniyatlarini belgilashga xizmat qiladi.
