BuxDU rektori Obidjon Xamidov 2025-yilning 22-27 sentyabr kunlari Rossiya Federatsiyasining Sankt-Peterburg davlat iqtisodiyot universitetida bo‘lib o‘tadigan “Yevrosiyo iqtisodiy istiqbollari” xalqaro simpoziumda hamrais sifatida ishtirok etish uchun xizmat safarida bo‘ladi.
Xalqaro simpoziumda O‘zbekiston Respublikasining Yevrosiyo mintaqasidagi iqtisodiy-investitsion jarayonlardagi o‘rni, ilm-fan va ta’lim sohasidagi islohotlar, yashil iqtisodiyot tamoyillarini qo‘llash borasidagi siyosat to‘g‘risida ma’ruza qilinadi. Shuningdek, turli xorijiy yetakchi oliy ta’lim muassasalari bilan hamkorlik o‘rnatish uchun muhokamalarda ishtirok etiladi.
