Buxoro shahridagi Yoshlik sport majmuasi hamda Bilim va malakalarni baholash agentligining Buxoro viloyatidagi binosida oliy va professional ta’lim muassasalariga o‘qishga kirish uchun test sinovlari bo'lib o'tmoqda.
Test sinovlari kuniga 2 smenada tashkil etilmoqda. 1-smena soat 08:00 da, 2-smena 15:00 da boshlanadi. Test sinovlariga kelgan ota-onalar uchun kutish joylari tashkil etilgan boʻlib, abituriyentlarning yaqinlari u yerda imtihon jarayonlarini onlayn kuzatish imkoniyatiga egalar.
BuxDU rektori Obidjon Xamidov boshchiligidagi jamoa test sinovlari jarayonlari bilan tanishib, ota-onalar bilan suhbatlashishmoqda. Shuningdek, 2025/2026-o‘quv yili uchun davlat oliy ta'lim muassasalariga kirish test imtihonlarida Buxoro davlat universitetining “Volontyorlar guruhi” a‘zolari faollik bilan ishtirok etishmoqda.
