Buxoro davlat universitetida "Dolzarb 90 kun" doirasida barqaror va raqobatbardosh turistik hududlarni shakllantirishning ustuvor yoʻnalishlarini belgilash uchun innovatsion boshqaruv, xorijiy tajribalar va rivojlanish strategiyalarini ishlab chiqish boʻyicha ilmiy-amaliy takliflarni taqdim etish maqsadida “Oʻzbekistonda inklyuziv turizmni rivojlantirish istiqbollari” mavzusidagi xalqaro ilmiy-amaliy anjuman o'tkazildi. Konferensiyada BuxDU rektori Obidjon Xamidov boshchiligidagi rahbariyat, professor-o'qituvchilar, izlanuvchilar, talaba-yoshlar, xorijiy va mahalliy olimlar ishtirok etishdi.
Konferensiyani universitet rektori Obidjon Xamidov kirish so'zi bilan ochib berdi. U nutqi davomida yurtboshimiz tashabbusi bilan Respublikada turizmni rivojlantirish konsepsiyalari ishlab chiqilganligi hamda bugungi kunda nafaqat tashqi turizm, balki ichki turizm hissasi ham oshib borayotganligini ta'kidladi. Shuningdek, mamlakatimizda turizmni takomillashtirish maqsadida Buxoro davlat universitetida ham salmoqli ishlar amalga oshirilayotganini aytib o'tdi.
Ilmiy anjuman davomida xorijlik va universitetimiz professorlari ma'ruzalari tinglandi. Jumladan, Marketing va menejment kafedrasi professori B.N. Navruz-Zoda "Buxoroning Oltin Uchburchagi innovatsion turmarshrutini tashkil qilish" mavzusida ma'ruza o'qidi. Iqtisodiyot va turizm fakulteti dekani v.v.b., i.f.d., professor N.S.Ibragimovning "InclUZ mobil ilovasi: nogironligi bor shaxslar uchun inklyuziv turizm infratuzilmasining interfaol xaritasi" mavzusidagi ma'ruzasi tinglandi.
