Joriy yilning 14-iyun kuni Xenan qishloq xo‘jaligi universiteti vakili Yu Xueke hamda Xitoy qishloq xo‘jaligi fanlari akademiyasi, paxta ilmiy-tadqiqot instituti mutaxassisi Li Xueying Buxoro davlat universiteti Tabiiy fanlar va agrobiotexnologiya fakultetida bo'lib, “Xitoy texnologiyasi asosida gʻoʻza yetishtirish tajribasi” mavzusidagi davra suhbatida ishtirok etishdi.
Tashrif avvalida universitet rektori Obidjon Xamidov boshchiligidagi rahbariyat xitoylik olimlarni fakultetda qishloq xo'jaligining turli sohalarini rivojlantirish uchun amalga oshirilayotgan ishlar bilan batafsil tanishtirdi.
Davra suhbati davomida BuxDU dotsenti, b.f.n. F.X. Jumayevning “Buxoro viloyati tuproqlarining yaxshilash va unumdorligini oshirish” mavzusidagi ma’ruzasi tinglandi. Shuningdek, Xitoy texnologiyasi asosida gʻoʻza ekishning samarali usullari, ekish sxemalari (76-10 qo‘sh qator), ekish chuqurligi va agrotexnik yechimlar haqida muhim ma’lumotlar taqdim etildi. Tadbir yakunida ishtirokchilar o‘zaro savol-javoblar orqali tajriba almashdilar.
Bu kabi ilmiy-amaliy uchrashuvlar qishloq xo‘jaligida zamonaviy yondashuvlarni joriy etishga xizmat qilmoqda!
