“Yangi O‘zbekiston yoshlari, birlashaylik!” shiori ostida o‘tkazilayotgan yoshlar festivali — bu zamonaviy, ilg‘or fikrli, intellektual salohiyatga ega yoshlar uchun muhim maydon bo‘lib xizmat qilmoqda. Festivalning ilm-fanga, yangilikka, ijtimoiy faollik va tafakkur yuksakligiga qaratilgan maqsadlari bugungi kunda jamiyat taraqqiyoti uchun dolzarb ahamiyat kasb etadi.
“Poyi Kalon” majmuasi, “Shahriston” maydoni va “Ark” qo‘rg‘oni atrofida “Besh tashabbus” loyihasi doirasidagi ko‘rgazma va dasturlar, “Zakovat” intellektual o‘yinlari o'tkazildi. Ushbu festivalda Buxoro davlat univesiteti jamoasi faol ishtirok etishmoqda.
Ushbu festival doirasida tashkil etilgan “Zakovat” intellektual o‘yinlarida Buxoro davlat universitetining “F8” jamoasi munosib ishtirok etib, faxrli 2-o‘rinni egallagani — biz uchun g‘urur va quvonchdir. Bu natija talaba-yoshlarimizning chuqur bilim, tezkor tafakkur va jamoaviy intellektual hamkorlikka asoslangan yondashuvlarining samarasi ekanini yana bir bor tasdiqlaydi.
Festivalga bag'ishlangan konsert dasturi mehmoni - yoshlarimizning sevimli qo'shiqchisi Shoxruhxon yig'ilganlarga xush kayfiyat ulashdi.
Yoshlarning ilmiy-intellektual salohiyatini ro‘yobga chiqarish, ularni yangilikka va tashabbuskorlikka undash borasida universitetimiz doimo tizimli ishlar olib bormoqda. Biz bu kabi tadbirlarni yoshlar salohiyatini namoyon etish va mustahkamlashda samarali platforma deb hisoblaymiz.
Ushbu festivalda faol ishtirok etgan barcha talabalarimizga va ularga rahbarlik qilgan professor-o‘qituvchilarga minnatdorchilik bildiramiz. Intellektual bellashuvlarda erishilgan yutuqlar yoshlarda kelajakka ishonch va ilmiy izlanishlarga bo‘lgan qiziqishni yanada oshiradi.
Buxoro davlat universiteti yoshlarining bunday muvaffaqiyatlari — universitetimizdagi ta’lim sifati va intellektual muhitning barqaror rivojlanayotganidan dalolatdir. Kelgusida ham yoshlarimizni har tomonlama qo‘llab-quvvatlash, ularning bilim va salohiyatini yuksaltirish yo‘lidagi ishlar izchil davom ettiriladi.
BuxDU Axborot xizmati
