Joriy yilning 17-23 may kunlari “Talabalar ligasi” sport musobaqalarining voleybol bo‘yicha Respublika final bosqichi Buxoro davlat universitetida o‘tkazilmoqda. Musobaqada Respublikamizning 14 ta hududidan jami 368 nafar ishtirokchilar qatnashishdi.
Bugun musobaqaning ochilish marosimi bo‘lib o‘tdi. Unda Buxoro viloyat Oliy ta'lim, fan va innovatsiyalar boshqarmasi boshlig‘i Azamat Naimov hamda Abu Ali ibn Sino nomidagi Buxoro davlat tibbiyot instituti rektori Sh.J. Teshayev so‘zga chiqib, “Talabalar ligasi” doirasida tashkil etilgan voleybol musobaqalari yoshlar orasida sog‘lom turmush tarzini shakllantirish, vatanparvarlik tuyg‘usini mustahkamlash hamda jamoaviylik ruhini kuchaytirishda muhim ahamiyatga ega ekanini alohida ta’kidlab o‘tishdi.
Tadbir davomida voleybol musobaqalarining ahamiyati alohida e’tirof etilib, bu sport turi nafaqat talabalar orasida jismoniy faollikni oshirishi, balki ularni bir jamoa sifatida harakat qilishga, do‘stona muhitda muloqot qilishga undashi qayd etildi. Shuningdek, voleybol kabi sport yo‘nalishlariga davlat tomonidan ko‘rsatilayotgan e’tibor yildan-yilga ortib borayotgani, bu esa talabalarning sportga bo‘lgan qiziqishini yanada kuchaytirayotgani ta’kidlandi.
Ochilish marosimi yakunida musobaqa rasmiy ravishda ochiq deb e’lon qilindi va voleybol bo‘yicha dastlabki bahslar boshlandi.
Musobaqa 23-maygacha davom etadi va g‘olib jamoalar tantanali tarzda taqdirlanadi.
