BuxDU professori, O'zbekiston kompozitorlari va bastakorlari uyushmasi a'zosi, musiqashunos Fayzulla To'rayev xotirasining 85 yilligiga bag'ishlangan konsert dasturi o'tkazildi.
Bugun Buxoro davlat universiteti faollar zalida bo'lib o'tgan ustoz Fayzulla To'rayev xotirasining 85 yilligiga bag'ishlangan konsertda universitet rahbariyati, professor-o'qituvchilar, talabalar, Fayzulla To'rayevning oila a'zolari, musiqa ixlosmandlari ishtirok etishdi.
Tadbirni BuxDU Oʻquv ishlari boʻyicha prorektori R.Gʻ.Jumayev kirish so'zi bilan ochib berdi. Konsertda O'zbekiston Badiiy akademiyasi tasarrufidagi Buxoro ixtisoslashtirilgan san'at maktab-internati hamda A.Fitrat nomidagi Buxoro maqom san'atiga ixtisoslashtirilgan maktab-internatining jamoasi o'z chiqishlari bilan ishtirok etishdi. Shuningdek, universitet jamoasi hamda ustozning yaqinlari so'zga chiqib Fayzulla To'rayevni yod etib, iliq fikrlar bildirishdi.
Shuningdek, BuxDU jamoasi tomonidan tayyorlanib, namoyish etilgan chiqishlar yig'ilganlarga xush kayfiyat ulashdi.
