Bugun, 5-may kuni, Respublika oliy ta’lim muassasalarida “Sportchi – yurt himoyachisi!” shiori ostida sport oyligiga start berish marosimi o‘tkazildi. BuxDU Universal sport majmuasida viloyat davlat va nodavlat oliy ta'lim muassasalari rektorlari, rahbarlari, professor-o'qituvchilari, talabalari ochilish marosimida zoom platformasi orqali ishtirok etishdi.
Sport oyligining ochilish marosimi davlat madhiyasi bilan boshlandi. Mazkur oylik bugundan futbol, basketbol, voleybol, kurash, stol tennisi, boks va boshqa sport turlari doirasida start oldi.
“Sportchi – yurt himoyachisi!” shiori ostida o‘tkazilayotgan mazkur tashabbus yoshlarda jismoniy faollikni oshirish, ularni sog‘lom hayot tarziga jalb qilish, sportga bo‘lgan qiziqishini kuchaytirish hamda Vatanga sadoqat, iroda va bardamlik ruhida tarbiyalash maqsadida yo‘lga qo‘yilgan.
