“Milliy qadriyatlar va ularning millat ma’naviyatidagi o‘rni” shiori ostida “Milliy qadriyatlar sayli” madaniy-ma’rifiy tadbiri o'tkazilmoqda. Ushbu saylda Buxoro davlat universiteti rahbariyati, professor-o'qituvchilari, tyutorlar, ishchi-xodimlar, talaba-yoshlar faol ishtirok etishdi.
Sayl davomida milliy merosimizga oid foto suratlar, amaliy san'at namunalari hamda talabalarning yutuqlari aks etgan ko‘rgazmalari tashkil etilgan. Shuningdek, milliy urf-odat va an’analar namoyishlari, milliy liboslar targ‘ibotlari hamda milliy kuy-qo‘shiqlar ijrosi davom etdi.
Tadbir doirasida milliy o'yinlarimizdan arqon tortish tosh ko'tarish, kurash musobaqalari tashkil etilgan. Shu bilan birga, shaxmat, shashka, tennis sport turlari bo'yicha talabalar o'zaro kuch sinashishdi.
Har bir fakultet tomonidan milliy taom osh tayyorlandi.
