11.01.2022

25-fevral kuni xalqaro hamkorlik bo‘yicha prorektor A.Jo‘rayev Turkiyaning Pamukkale universiteti “Iqtisodiyot” kafedrasi mudiri prof. Reshat Jeylan bilan onlayn uchrashuv o‘tkazdi. Mazkur uchrashuv Pamukkale universiteti taklifi asosida tashkillashtirildi.Uchrashuvda Pamukkale universiteti tomonidan taklif qilinayotgan “Iqtisodiyot” yo‘nalishida qo‘shma bakalavriat taʼlim dasturini tashkil qilish bo‘yicha fikr almashildi. Prorektor A.Jo‘rayev tomonidan ikkita diplom berilishini nazarda tutuvchi bunday dasturlarni yo‘lga qo‘yish bo‘yicha tajriba va tegishli meʼyoriy hujjatlar to‘g‘risida maʼlumot berildi.Tomonlar avvalambor universitetlararo hamkorlik shartnomasini imzolanishi hamda ushbu shartnoma doirasida bo‘lg‘usi hamkorlikni amalga oshirishga kelishib olishdi. Ma’lumot uchun: Pamukkale universiteti Turkiyaning Denizli shahrida joylashgan bo‘lib, 1992-yilda tashkil etilgan. Hozirgi kunga qadar universitetni 117 ming nafarga yaqin talaba bitirgan. Ayni paytda universitetda 52,3 ming talaba taʼlim olib, 760 nafardan ortiq doktorant, 2200 nafarga yaqin pedagog xodim hamda 1400 nafardan ortiq xodimlar faoliyat ko‘rsatishmoqda. Turli akademik reytinglarda Pamukkale universiteti jahonda 1300-1800 oralig‘ida o‘rin egallab kelmoqda. Universitet tarkibiga 16 ta fakultet, 6 ta institut, 3 ta texnikum, 17 ta kasb-hunar oliy maktabi, 42 ta taqdiqot va amaliyot markazi kiradi.Universitetning ingliz tilidagi vebsayti: https://www.pau.edu.tr/pau/enBuxDU Matbuot xizmati