11.01.2022

2021 yil 17-mart kuni Xorijiy tillar fakulteti Tabiiy yo‘nalishlarda chet tili kafedrasi tomonidan O‘zbekiston Respublikasi Vazirlar Mahkamasining 2021 yil 2 martdagi 78-f-sonli Farmoyishi asosida Buxoro davlat universitetida “Chet tillarini o‘qitishning dolzarb masalalari” mavzusidagi respublika miqyosidagi ilmiy-amaliy konferensiya o‘z ishini boshladi. Konferensiyada respublikamizning yetakchi oliy ta’lim muaassalaridan ma’ruza bilan qatnashgan olimlar chet tilini o‘qitish metodikasiga oid eng yangi qarashlar va yondashuvlar bilan bo‘lishgan holda o‘zlarining qimmatli fikr va mulohazalari bilan ishtirok etishdi. Anjumanni Buxoro davlat universiteti rektori O.X.Xamidov ochib berib, xorijiy tillarni o‘qitishdagi ustuvor yo‘nalishlarni qayd etgan holda, konferensiya ishiga omad tiladilar. Konferensiya ishtirokchilariga xususan, Samarqand davlat universiteti professori, f.f.d. I.K.Mirzayev, Toshkent davlat pedagogika universiteti dotsenti M.X.Alimova, O‘zbekiston davlat jahon tillari universiteti professori J.A.Yoqubov, AQSHdan tashrif buyurgan mutaxassis Sara Chattalarning ma’ruzalari alohida qiziqish uyg‘otdi. Konferensiyada, shuningdek, O‘zbekiston Respublikasi Vazirlar mahkamasi huzuridagi Ta’lim sifatini nazorat qilish davlat inspeksiyasi boshlig‘i maslahatchisi, filologiya fanlari doktori, dotsent A.A.Nosirov “Yangi O‘zbekiston taraqqiyotida chet tillarni o‘qitishning ahamiyati” mavzusidagi ma’ruzasi bilan qatnashdi va O‘zbekistondagi yangicha taraqqiyot bosqichida chet tillarni o‘qitishning ahamiyati borasida fikr almashildi. BuxDU Matbuot xizmati