11.01.2022

Ilmdan o’zga najot yo’q va bo’lmagay….2021 yil 16- aprel kuni universitet bosh yig’ingohida Tarix va madaniy meros fakulteti Buxoro tarixi kafedrasi doktoranti (DSc), “El-yurt umidi” jamg’armasi stipendianti, tarix fanlari bo’yicha falsafa doktori (PhD) Klichev Oybek Abdurasulovichning ilmiy izlanishlari mahsuli sifatida nashr etilgan ikki kitob:“Sayid Mir Olimning harbiy ta’limi” hamda Sayid Mir Abdulahadning “Safarnoma” asarlarining   taqdimoti bo’lib o’tdi.O’zbekiston Milliy arxiv fondi va Rossiya Federatsiyasi arxiv jamg’armalarida mavjud, ilmiy muomalaga kiritilmagan materiallar asosida tayyorlangan ushbu nashrlarning har biri  uch (o’zbek, ingliz, rus) tilda chop etilganligi kitoblar mazmuni bilan tanishish imkoniyati kengayganligini izohlaydi.Taqdimot onlayn va oflayn rejimda o’tkazildi. Tadbir Buxoro davlat universiteti rektori, iqtisod fanlari doktori, professor O.X.Xamidovning kirish so’zi bilan boshlandi. Tarix fanlari doktori, professor H. To’rayev muharrirligidagi mazkur nashrlarga mas’ul taqrizchilar:  O’zbekiston Milliy universiteti professori, tarix fanlari doktori O.P.Kobzeva, O’zbekiston Fanlar Akademiyasi Tarix instituti katta ilmiy xodimi, t.f.f.d (PhD) F.S.Boboyev, Rossiya Fanlar Akademiyasi Jahon tarixi Instituti katta ilmiy xodimi, t.f.n. T. V. Kotyukova hamda tarix fanlari nomzodi, dotsent M.B.Qurbonovalarning ushbu ikki kitob xususida bildirgan fikrlari tinglandi.Taqdimot davomida tadqiqotchi tomonidan nashrga tayyorlangan mazkur  asarlarning ilmiy jamoatchilik vakillari, professor o’qituvchilar hamda talabalar faoliyatida, ham nazariy, ham amaliy ahamiyat kasb etishidagi ilmiy qiymati asoslab berildi.BuxDU Matbuot xizmati