11.01.2022

Ilm-fanni rivojlantirish, ta’lim sohasini isloh etish, ilmiy va innovatsion faoliyatni har tomonlama qo‘llab-quvvatlashga qaratilgan keng ko‘lamli islohotlar qatoriga «Buxoro davlat universitetining 2017-2021 yillarda istiqbolli rivojlantirish strategiyasi» hamda «Universitetning 2017-2030 yillarda rivojlantirish konsepsiyasi va dasturi» ishlab chiqildi hamda amaliyotga tadbiq qilinayotganini kiritish mumkin.Ayni davrda universitetda mazkur strategik dasturlar doirasida qator ijobiy o‘zgarishlar ro‘y bermoqda. Bilim dargohining qiyofasi o‘zgarib, moddiy-texnika bazasi yaxshilanyapti, ilmiy ishlanmalarni moliyalashtirish va ijtimoiy qo‘llab-quvvatlash kuchaytirilmoqda, jumladan, professor-o‘qituvchilarning daromadlari ham ortyapti. Innovatsiya yo‘nalishidagi yangi bo‘linmalar ochilmoqda. Bularning barchasi oliy ta’limga bo‘lgan yondashuvni o‘zgartirib, uning sifati hamda darajasini ko‘tarishga xizmat qilishi aniq.Buxoro davlat universitetida 2018 yilda asosiy shtatda 606 nafar professor-o‘qituvchi, jumladan, 136 nafar fan nomzodlari, falsafa doktorlari (PhD), 27 nafar fan doktorlari (DSc) ishlagan bo‘lsa. 2020 yilga kelib 848 nafar professor-o‘qituvchi – ularning 187 nafari fan nomzodlari, falsafa doktorlari (PhD), 40 nafari esa fan doktorlari (DSc) faoliyat olib bormoqda.Buxoro davlat universitetining 90 yillik tarixida ilk marotaba falsafa doktori (PhD) ilmiy darajasini beruvchi kengashlar ochilib, universitetda 2020 yilda 9 ta ilmiy kengash faoliyat yuritdi. Bugungi avlod ilmiy taraqqiyotiga hissa qo‘shuvchi 9 ta Ilmiy kengash faoliyatining o‘z samarasini bermoqda.Fan doktori (DSc) doktorlik dissertasiyasi himoyalari soni 2018 yilda 2 ta bo‘lsa, 2020 yilda 4 taga yetdi. 2018 yilda 19 ta tadqiqotchi falsafa doktori (PhD) dissertasiyasi himoyasini amalga oshirgan bo‘lsa, 2020 yilda ko‘rsatkich 41 taga yetdi. 2018 yilda universitetda tayanch doktorant (PhD) 67 ta bo‘lsa, 2020 yilda 137 ta, mustaqil izlanuvchilar ikki yilda 28 tadan 132 taga ko‘tarildi.Shuningdek, 2018 yilda TOP 1000 talikka kiruvchi OTMlarning PhD yoki DSc ilmiy darajasini olgan professor-o‘qituvchimiz bitta bo‘lsa, 2020 yilda ular soni 6 nafarga yetdi.2020 yilda universitetda Davlat ilmiy-texnik dasturlari doirasidagi 3 ta fundamental, 2 ta amaliy, jami 5 ta loyiha asosida 808,2 mln so‘m miqdoridagi ilmiy tadqiqot ishlari bajarildi. O‘zbekiston Respublikasi Innovasion rivojlanish vazirligi tomonidan e’lon qilingan tanlovlarda bajarilishi 2021-2022 yillarga mo‘ljallangan 1 ta innovasion loyiha (summasi: 1 mlrd so‘m) va bajarilishi 2021-2023 yillarga mo‘ljallangan 1 ta amaliy loyiha (summasi: 900,0 mln so‘m) g‘olibligi qo‘lga kiritildi.Shuningdek, ta’lim va ishlab chiqarishni integrasiyasini ta’minlash maqsadida universitetning Agronomiya va biotexnologiya fakulteti va Buxoro tumanida «Buxoro baliq» MChJ bilan hamkorlikda «Buxoro viloyatida baliqchilikni rivojlantirish» o‘quv-amaliyot markazi faoliyati yo‘lga qo‘yildi. Ushbu o‘quv-amaliyot markazida o‘quv va laboratoriya mashg‘ulotlari hamda sohaga oid dissertatsiya himoyalari tashkil etildi.2020 yil noyabr oyida «Yoshlar kelajagimiz» jamg‘armasi bilan birgalikda universitetda «Biznes akselerator» o‘z faoliyatini boshladi.Yoshlarga oid davlat siyosatini izchil va samarali amalga oshirish, yoshlarni har tomonlama qo‘llab-quvvatlash, huquq va qonuniy manfaatlarini himoya qilish tizimini tubdan isloh etish maqsadida qator tanlov va stipendiyalar joriy etilmoqda. talabalarning katta orzu va maqsadi bo‘lmish prezident stipendiyasi, qator imtiyozli davlat stipendiyalari har yili o‘zining yangidan yangi egalarini topib bormoqda. Davlat stipendiyasi sohibiga aylanish talaba uchun nafaqat moddiy rag‘bat, yuksak nom va e’tirof hamdir.2019/2020 o‘quv yilida universitetning iqtidorli talabalaridan 1 nafari O‘zbekiston Respublikasi Prezidenti, 3 nafari Navoiy, 1 nafari Ulug‘bek va 1 nafari Islom Karimov nomli davlat stipendiyalari g‘olibi, 2020/2021 o‘quv yilida 5 nafari Navoiy 1 nafari Ulug‘bek va 1 nafari Islom Karimov nomli davlat stipendiyalari g‘olibi, 45 nafari Xalqaro fan va sport olimpiada g‘olibi, 9 nafari xorijiy universitetlarda tajriba almashishlar hamda 30 nafari xalqaro ko‘rgazma va tanlov sovrindorlari bo‘lishdi.https://mininnovation.uz/uz/news/2875BuxDU Matbuot xizmati