11.01.2022

26-fevral kuni universitetda “O‘zbekistonning qalbi: kelajak avlod taraqqiyoti va xalqlar o‘rtasida do‘stlikning mustahkamlanishi” mavzusida onlayn seminar bo‘lib o‘tdi. Seminarda BuxDU professor-o‘qituvchilari va talabalari qatorida “O‘zbekiston-Isroil” do‘stlik jamiyati, Buxoro shahri hokimiyati, O‘zbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi, O‘zbekistonning Isroil va AQSHdagi elchixonalari, Isroilning O‘zbekistondagi elchixonasi, Oliy va o‘rta maxsus taʼlim vazirligi, “Buxoro merosi” NNT, O‘zbekiston milliy arxivi va boshqa ko‘plab tashkilotlardan vakillar ishtirok etishdi.Buxoro shahri hokimi O‘.Jumayev tomonidan ochib berilgan seminarda so‘zga chiqqanlar tomonidan O‘zbekiston va Isroil o‘rtasidagi aloqalarni mustahkamlash borasida olib borilayotgan ishlar va kelgusi rejalar haqida maʼlumot berildi. Shu jumladan, universitet xalqaro hamkorlik bo‘yicha prorektori A.Jo‘rayev o‘zaro hamkorlikni kengaytirishda oliy taʼlim muhim o‘rin egallashi, Buxoro davlat universitetida ham Isroilning Xolon texnologiyalar instituti bilan qo‘shma bakalavriat dasturlari yo‘lga qo‘yilganligi, talabalarga universitet professor-o‘qituvchilari qatorida isroillik olimlar ham dars berib kelishayotganini taʼkidlab o‘tdi. Universitet huzuridagi Qatag‘on qurbonlari muzeyi direktori, O‘zbekiston tarixchilar jamiyati Buxoro viloyat bo‘limi boshlig‘i A.Hamroyev arxiv ishida Isroil arxivlari va muzeylari bilan hamkorlik yo‘nalishlari haqida fikr bildirib, o‘zining takliflarini bildirib o‘tdi.Seminar ishtirokchilari O‘zbekiston va Isroil o‘rtasidagi hamkorlik munosabatlarini yana-da kengaytirish borasida takliflar keltirilgan rezolyutsiyani qabul qilishdi.BuxDU Matbuot xizmati