11.01.2022

Buxoro davlat universiteti Xorijiy tillar fakulteti Tabiiy yo’nalishlarda chet tili kafedrasi tomonidan 2020 yil 15-17 dekabr kunlari O’zbekistondagi AQSH elchixonasi bilan hamkorlikda ACCESS xalqaro anjumani o'tkazildi. Anjuman bugungi kunda juda muhim va dolzarb bo'lgan ingliz tilini o'qitish va o'rganishning zamonaviy yondashuvlariga qaratilgan bo’lib, unda O’zbekistondagi AQSH elchixonasining Madaniy masalalar bo’yicha bo’lim boshlig’i Joanna Kramb va boshqa xodimlari hamda respublikamizning 10 ta viloyatlaridan 40 ga yaqin ingliz tili o'qituvchilari ishtirok etishdi.3 kun davom etgan mazkur konferentsiya pandemiya davrida onlayn va oflayn shaklda tashkil etildi. AQShdan ingliz tili mutaxassislari Zoom orqali ishtirok etib, o'zlarining sermazmun taqdimotlarini olib borishdi. Respublikamizdan qatnashayotgan o'qituvchilarimiz o'zlarining taqdimotlarini an'anaviy tarzda - oflayn rejimda o'tkazmoqdilar.Mazkur tadbir anjuman ishtirokchilariga bir-biridan o'rganish va tajriba almashish uchun yaxshi imkoniyat yaratdi.BuxDU Matbuot xizmati