11.01.2022

2021 yilning 28-yanvar kuni Buxoro viloyati hokimi Zaripov Botir Komilovich Buxoro davlat universitetida tashkil etilgan Buxoro Biznes akselleratorining faoliyati bilan yaqindan tanishish maqsadida tashrif buyurdi. Viloyat hokimini Buxoro davlat universiteti rektori Obidjon Xamidov, BuxDU rahbariyati kutib oldi.Yosh tadbirkor Izzat Sharipov tashabbusi asosida viloyat hokimiga biznes akselleratorda tadbirkorlar uchun nazariy va amaliy xarakterga ega bo’lgan bilim va ko’nikmalar berishni tashkil etish, biznesni sistemalashtirish, sistemali korxona qurish, avtomatizatsiya instrumentlarini korxona boshqaruvida qo’llash, moliyani boshqarish, xodimlarni boshqarish, xodimlarga vazifalarni to’g’ri taqsimlash, marketing bilimlari haqida malumotlar berib o’tildi.Universitetda tashkil etilgan startap loyihalar, ularning amalga oshirilish jarayoni to’g’risida Oybek Sayfullayev Viloyat hokimi Botir Zaripovga ma`lumot berdi. Shuningdek, Botir Komilovich universitet yetakchi iqtisodchi olimlari tomonidan yosh tadbirkorlarga o’tilayotgan seminar-trening jarayonlari bilan ham yaqindan tanishdi. Endilikda viloyat hokimi tashabbusi asosida oliy ta`lim muassasalari talabalari o’rtasida “Eng yaxshi loyiha” tanlovi o’tkaziladi va eng yaxshi loyihalar viloyat hokimi tomonidan tashkil etilgan 100 million so'mlik fond tomonidan moliyalashtiriladi.Tashrif davomida viloyat hokimi Botir Zaripov universitetda tashkil etilgan robototexnika kurslari bilan ham tanishdi. Unda yosh iqtidorli o’quvchilar, talabalar bilan suhbatda bo’lib ular uchun qo’shimcha barcha shart-sharoitlari yaratilishi aytib o’tildi.BuxDU Matbuot xizmati