11.01.2022

“Dunyo imoratlari ichida eng ulugʿi maktab boʿlsa, kasblarning ichida eng sharaflisi oʿqituvchi va murabbiylikdir ”. O'zbekiston Respublikasining birinchi prezidenti I.A.KarimovInson hayotidagi eng muhim qarorlardan biri—bu kasb tanlashdir. Kasbni toʿgʿri tanlay olish insonning butun hayotini, borligʿini, kelajakda jamiyat rivojini belgilashda qoʿshadigan oʿz hissasini belgilaydigan muhim omildir. Filologiya fakulteti oʿzga tilli guruhlarda rus tili ta’lim yoʿnalishi 6-6 Rus 20-guruhida “Oʿzbek tili” fanidan “Boʿlajak kasbim ” matni ustida ishlash.Matn va uning koʿrinishlari” mavzusida noodatiy ochiq amaliy dars mashgʿuloti tashkil etildi. Dars boshida oʿqituvchi Shahnoza Yoqubova Yusufovna talabalarni uch guruhga bo’ldi va dars shiori, maqsadi bilan tanishtirib o’tdi.Mavzu yuzasidan qisqacha ma’lumot berildi.Mavzu bugungi ijtimoiy hayot bilan bog’landi. Darsda bir nechta bosqichlardan iborat interfaol va mantiqiy amaliy oʿyinlar tashkillashtirildi. Xilma-xil topshiriqlarda har uchala guruhdan talabalar faol ishtirok etib oʿzaro bellashdilar. Dars soʿngida faol ishtirok etgan gʿolib talabalar esdalik sovgʿalari bilan taqdirlandilar. Ochiq amaliy dars mashgʿuloti noodatiy va koʿtarinki ruhda oʿtdi.BuxDU Matbuot xizmati