11.01.2022

Buxoro davlat universiteti Servis sohasi iqtisodiyoti kafedrasi va Janubiy Federal Universitetining Oliy maktabi turizm kafedrasi professor-o‘qituvchilari bilan onlayn uchrashuv bo‘lib o‘tdi. Muloqotda xorij olimlarining O‘zbekiston oliygohlariga ma’ruza o‘qish masalalari muhokama qilindi. Buxoro davlat universiteti Iqtisodiyot va turizm fakulteti Servis sohasi Iqtisodiyoti kafedrasi professor o‘qituvchilari bilan 2021 yildagi hamkorlik rejasi aniqlab olindi. Talabalarga yangi fanlarni o‘qitish xorij hamkorlari tomonidan yo‘lga qo‘yildi. Shu jumladan “Turizm va mehmonxona xo‘jaligi marketingi”, “Marketing asoslari” fanini Yangi Zellanduya Viktoriya universiteti dosenti Javlon Qodirov, “Animatorlik xizmati” fanini L.N. Gumilyov nomidagi Evroosiyo milliy universiteti Turizm kafedrasi mudiri, iqtisod fanlari nomzodi, dosent Lyalya Mutaliyeva, “Iqtisodiy va turizm geografiyasi” fanini Janubiy Federal Universitetining Oliy maktabi turizm kafedrasi professori Olga Ivliyevalar tomonidan soatbay o‘tib berish kelishib olindi. Magistrlarga ham ayrim fanlar o‘qitilishi muhokama qilindi, shuningdek professor B.N. Navro‘z-Zoda va professor O.V.Ivliyeva bilan oliy ta’limdan keyingi ta’lim oluvchilariga ilmiy uslubiy yordam ko‘rsatish masalasi muhokama qilindi. Servis sohasi iqtisodiyoti ixtisosligi bo‘yicha tayanch doktorantlarga “Servisda ilmiy tadqiqot uslubiyoti” maxsus fanini o‘qitish yo‘lga qo‘yildi. Bu tadbir natijasida tadqiqotchilarimiz ilmiy maqolalarni yozish, dissertasiya qismlarini tayyorlashga anchaqina ko‘nikmaga ega bo‘ladilar.Buxoro davlat universiteti Servis sohasi iqtisodiyoti kafedrasi