11.01.2022

"Yuksalish" umummilliy harakati Buxoro viloyati hududiy bo‘linmasi tomonidan viloyatdagi oliy ta’lim muassasalarida 2021 yil – “Yoshlarni qo‘llab-quvvatlash va aholi salomatligini mustahkamlash yili” Davlat dasturining loyihasi muhokamasiga bag‘ishlangan ochiq muloqotlar tashkil etildi.Tadbirlar chog‘ida muassasalarning faol, stipendiant, davlat mukofotiga ega talaba-yoshlar va pedagok xodimlar ishtirok etishdi. Buxoro davlat universiteti rektori, iqtisodiyot fanlari doktori, professor Obidjon Xamidov, “Yuksalish” umummilliy harakati Buxoro viloyati hududiy bo‘linmasi rahbari H.Ro‘ziyev tomonidan ishtirokchilarga Davlat dasturining tuzilish jarayoni, dastur asosida respublikamizda amalga oshirilayotgan islohotlar, Prezidentning Oliy Majlis hamda O‘zbekiston xalqiga yo‘llagan murojaatnomasi mazmun-mohiyati qisqacha to‘xtalib o‘tildi.Xususan, Davlat dasturi loyihasining 4 ustuvor yo‘nalishi Ijtimoiy sohani rivojlantirish bo‘yicha Bolalarni qo‘llab-quvvatlash jamoat fondini tashkil etish, “Yoshlar sanoat va tadbirkorlik zonalari”ni tashkil etish, 2021–2023 yillarda Yoshlar uylarini qurish dasturini amalga oshirish, O‘zbekiston talabalar assotsiatsiyasini tashkil etish, bepul til o‘rganish elektron platformasini yaratish, Aholining salomatligini mustahkamlash, xotin-qizlarning ijtimoiy-siyosiy faolligini oshirish, Nuroniylarni har tomonlama qo‘llab-quvvatlash bo‘yicha tizimli chora-tadbirlarni amalga oshirish, Arzon uy-joylarni barpo etish bo‘yicha chora-tadbirlarni amalga oshirish, Madaniyat, san’at, sportni yanada rivojlantirish, bolalarning maktabgacha ta’limga qamrovini 65 foizga yetkazish, Yagona “Elektron ta’lim” tarmog‘ini joriy qilish, fizika fani va chet tillari bo‘yicha uzluksiz ta’lim sifati va natijadorligini oshirish, oliy ta’lim muassasalariga davlat granti asosidagi qabul ko‘rsatkichlarini kamida 25 foizga oshirish, eng yuqori ball to‘plagan 200 nafar yoshlar uchun Prezident grantini joriy etish vazifalari belgilangan to‘g‘risida qizg‘in muhokamalar bo‘lib o‘tdi.Qiziqarli savol-javob tarzida o‘tgan muloqotda dastur loyihasiga o‘rtaga tashlangan takliflar shunchaki eshitilmaganligi va taklif egalariga jamoatchilik.uz portali orqali o‘z takliflarini taqdim etish imkoniyati mavjudligi va undan samarali foydalanish bo‘yicha tavsiyalar berildi. BuxDU Matbuot xizmati