11.01.2022

Yangi 2021- yil kirib kelishiga ham sanoqli kunlar qoldi. Yangi yil – eng orziqib kutiladigan bayram. U qalblarga yangi orzu-umidlar va quvonch bag‘ishlaydi. Ayniqsa, biz, talabalar ushbu bayramni intiqib kutamiz.  Eski yilning sanoqli kunlaridan boshlanadi yangi yilning shukuhi! Yangi yil munosabati bilan filologiya fakulteti filologiya va tillarni o'qitish (o'zbek tili) ta'lim yo'nalishi 6-6 Uzb 20-bizning guruhda  ham “Tilshunoslik nazariyasi” fanidan noodatiy amaliy dars mashg`ulotlari  tashkil etildi."Grammatik ma'no ifodalovchi vositalarni aniqlash va sharhlash" mavzusiga bag`ishlangan dars hammamizga talabalikning eng unutilmas daqiqalarini hadya etdi. Darsda talabalar uch guruhga bo'linib ishtirok etishdi. Dars boshida ustoz Nafisa Izzatullayevna mavzu yuzasidan qisqacha ma'lumot berib o'tdilar va keyin mavzuni mustahkamlash maqsadida bir qancha interfaol va mantiqiy amaliy o'yinlar tashkillashtirildi. Har uchchala guruhdan talabalar chiqib o'zaro bellashdilar. Dars so'ngida har bir guruh uchta nominatsiya bo`yicha faxriy yorliqlar bilan taqdirlandilar. Dars noodatiy va ko'tarinki ruhda o'tdi. Va shu orada har bir talaba o'z kursdoshlari hamda ustozlarini kirib kelayotgan yangi 2021-yil bayrami bilan qutlab, samimiy tilaklarini izhor etishdi. Yangi yil kayfiyatida tashkil etilgan usbu dars bir umrga xotiramizga muhrlandi.