11.01.2022

2020 yil 21 yanvar sanasida O’zbekiston Respublikasi Innovatsion rivojlanish vaziri Abduraxmonov Ibrohim Yulchiyevich Buxoro davlat universitetiga tashrif buyurdi. Vazir dastavval Buxoro davlat universitetida ilm-fan va innovatsiyalar sohasida amalga oshirilayotgan ishlar taqdimoti bilan tanishdi. Taqdimot jarayoniga universitetning ilmiy ishlar va innovatsiyalar bo’yicha prorektoti Qahhorov Otabek Siddiqovich yaqin kelajakda universitet amalga oshiriladigan ishlar, universitet professor-o’qituvchilari tomonidan olib borilayotgan ilmiy-tadqiqot loyihalari bilan batafsil tanishtirdi. Shuningdek, universitet faollar zalida Buxoro viloyatida faoliyat ko’rsatayotgan oliy ta’lim muassasalari professor-o’qituvchilari hamda iqtidorli yoshlari bilan uchrashuv bo’lib o’tdi. Uchrashuv ochiq tarzda bo’lib o’tgani ayniqsa ahamiyatli bo’ldi.I.Y. Abdurahmonov yig’ilganlarga takliflar uchun vazirlik doimo ochiqligini ma’lum qildi hamda vazirlik faoliyatiga oid takliflarni bemalol bildirishlari mumkinligini bildirdi. Yig’ilganlar o’zlarini qiziqtirgan savollarga javob olishdi. O’z takliflarini bildirishdi va shaxsan vazir bilan muloqot qilishdi. Vazir  berilgan har bir savol va taklifga atroflicha to’xtalib, o’z fikr va mulohazalarini bayon qildi.Yig’ilishning yakuniy qismida Innovatsion rivojlanish vaziri I.Y. Abdurahmonov Vazirlar Mahkamasining 2020 yil 6 noyabrdagi “Ilmiy dаrаjаli kаdrlаrni tаyyorlаsh jаrаyonlаrining shаffofligini tа’minlаsh vа sаmаrаdorligini oshirish chorа-tаdbirlаri toʼgʼrisi”dаgi qaroriga binoan o’z doktorlik dissertatsiyasini muddatidan oldin himoya qilganligi sababli, universitet tayanch doktorantlari (PhD) D.B. Ahmedova va X.I. Eshonqulovlar pul mukofoti bilan taqdirlandilar. Shuningdek, p.f.d., professor Sh.R. Barotov rahbarligidagi bajarilishi 2021-2022 yillarga mo’ljallangan innovatsion loyiha va f.f.d., professor M.K. Abuzalova rahbarligidagi bajarilishi 2021-2023 yillarga mo’ljallangan amaliy loyiha loyihalar tanlovida g’olib deb tan olinganligi qayd etib o’tilib, vazirlik tomonidan grant ajratilganligi ma’lum qilindi hamda Innovatsion rivojlanish vazirligining maxsus sertifikatlari bilan taqdirlandi.So’ngra Innovatsion rivojlanish vaziri I.Y. Abdurahmonov universitet huzurida faoliyat ko’rsatayotgan Biznes akselerator faoliyati bilan tanishdi. Biznes akselerator “Yoshlar kelajagimiz” jamg‘armasining 150 mln. so‘m, BuxDUning 108 mln. so‘m mablag‘lari evaziga tashkil etilgan. Ushbu biznes akselerator faoliyati uchun 3 ta xona ajratilgan bo’lib, zarur jihozlar va texnikalar bilan ta’minlangan. Shuningdek biznes akselerator huzurida robototexnika bo’limi o’z faoliyatini olib bormoqda. Mazkur biznes akseleratorda bir vaqtning o‘zida 40 nafar tinglovchini tadbirkorlikka o‘qitish mumkin.  3 nafar xodimning doimiy shtatda ishlashi rejalashtirilmoqda. Muassasaning asosiy vazifalari bu tadbirkorlik sub’yektlariga o‘z biznesini yuritishda yaqindan yordam berish, ularga zamonaviy biznes tamoyillarini amalda joriy qilishda ko‘maklashish, ilg‘or axborot, innovatsion va pedagogik texnologiyalar yordamida tadbirkorlik kurslarini tashkil etishdir. Bunda universitetimiz va respublikaning yetakchi mutaxassislarini ta’lim va maslahatlashuv jarayonlariga jalb qilish nazarda tutilgan.Ma'lumot sifatida aytish mumkinki, akselerator – ingliz tilidan «tezlashtiruvchi» degan ma’noni anglatadi. Akselerator – biznesi boshqa kompaniyalarga (akselerator rezidentlariga) yordam berishdan iborat bo‘lgan kompaniya. Akseleratorlar rezidentlarga jamoaga biznes-modelni «charxlash»da, zarur kontaktlarga ega bo‘lishda va savdoni oshirishda yordam beradigan dasturni taklif qiladi. Har qanday ishlab chiqarish va xizmat ko‘rsatish kompaniyasiga biznes maslahat beruvchi mutaxassislar ko‘magi kerak bo‘ladi. Bunday vaziyatda esa universitetlar va ilmiy markazlar qoshida joriy etilgan maxsus tuzilmalar – biznes aksileratorlar qo‘l keladi.  Akseleratordagi ishtirok yosh olimlar va jamoalarga o‘z tajribalari uchun ilmiy maydon, mutaxassislar ko‘magi va qo‘llab quvvatlovini taqdim etish bilan birga, MVP, ya’ni loyihaning minimal ishchi talqinini ishga tushirishga ham yordam beradi. Eng yaxshi loyihalar esa yakunda biznesni rivojlantirish   uchun investisiyalarni qo‘lga kiritishi mumkin.  Innovatsion rivojlanish vaziri I.Y. Abdurahmonov Biznes akselerator faoliyatiga oid o’z takliflarini va mulohazalari bildirdi. Xususan, biznes akseleratorda mini texnologiyalar ishlab chiqarish jarayoni yo’lga qo’yilsa maqsadga muvofiq bo’lishini ta’kidlab o’tdi.BuxDU Matbuot xizmati