11.01.2022

Buxoro davlat universiteti Filologiya fakulteti, Yoshlar ittifoqi boshlang'ich tashkiloti hamda Yoshlar bilan ishlash va ma'naviyat-ma'rifat bo'limi tomonidan muhtaram Prezidentimiz tomonidan ilgari surilgan 5 tashabbuslarining "4-tashabbusi" bo'yicha yosh avlodda kitobxonlik madaniyatini yuksaltirish – ularda mafkuraviy immunitetni shakllantirish va rivojlantirish maqsadida «KITOBXONLIK – BUYUK KELAJAK KAFOLATI» nomli tadbir o'tkazildi.Tadbirni yoshlar bilan ishlash bo'yicha prorektor A.M.Kadirov ochib berdilar. Shundan so'ng o'quv ishlari bo'yicha prorektor M.I.Daminov hamda Filologiya fakulteti dekani D.Z.Rajabov so'zga chiqib, o'z nutqlarida beshta tashabbusning mohiyati, ayniqsa ular orasida kitobxonlikning salmoqli o'rni haqida aytib o’tdilar. Talabalar chiqishlarini she'rlar, sahna ko'rinishlari va tayyorlagan slaydlari asosida boyitdilar. Talabalar bir-birlari bilan o'zlari yod olgan she'rlar  yuzasidan fikr almashdilar. Ularning kitobga bo’lgan mehr-muhabbati ushbu kitobxonlik tadbiri orqali yana bir bor namoyon bo’ldi. Tadbirda faol ishtirok etgan talabalar Yoshlar yetakchisi F.Karimov hamda Filologiya fakulteti dekani D.Rajabov tomonidan tashakkurnomalar bilan taqdirlandilar. Yakunlovchi so'zni Yoshlar yetakchisi  F.Karimov oldi va yoshlarni kitob va kitobxonlik madaniyatiga yanada hurmat va ehtirom bilan qarashlarini ta'kidladi. Tadbir ko'tarinki kayfiyatda o'tdi.BuxDU Matbuot xizmati