11.01.2022

Universitetimizda Germaniyaning akademik almashinuv xizmati DAAD tomonidan moliyalashtiriladigan yangi loyiha amalga oshirilishi ma’lum bo‘ldi. Potsdam amaliy fanlar universiteti tomonidan boshqariladigan loyihada Buxoro davlat universiteti, Toshkent arxitektura-qurilish instituti hamda Samarqand davlat arxitektura va qurilish institutlari ishtirok etishadi. 2021-2023 yillarda amalga oshiriladigan loyiha moddiy madaniy meros ob’ektlarini restavratsiya qilishda tajriba almashish va innovatsion yechimlarni ishlab chiqishdir. Loyiha uchun ajratilgan mablag‘ 30 ming yevro bo‘lib, shundan 15,8 ming yevro O‘zbekiston OTMlari uchun ajratilgan. 16-dekabr kuni loyihaning dastlabki, tanishuv uchrashuvi bo‘lib o‘tdi. Uchrashuv doirasida loyihaning asosiy jihatlari taqdim etildi. Loyiha doirasida Buxoro, Toshkent va Samarqand shaharlarida joylashgan ob’ektlardan 1 tasi tanlab olinadi hamda uni restavratsiya qilish masalasi bo‘yicha ilmiy asoslangan takliflar ishlab chiqiladi, xalqaro yozgi maktab tashkil qilinadi, Germaniyada malaka oshirish kurslari tashkil etiladi. Loyihaning ish rejasi yaqin kunlar ichida alohida ma’lum qilinadi.Potsdam amaliy fanlar universiteti haqida ma’lumot: Potsdam amaliy fanlar universiteti 1991 yilda tashkil qilingan. Bugungi kunda 32 ta yo‘nalishda ta’lim beriladi. Fakultetlar: Arxitektura va shaharsozlik, Fuqarolik muhandisligi, Axborot texnologiyalari, Ijtimoiy va pedagogik fanlar fakultetlari. Talabalar soni 3500 nafarga yaqin. Pedagoglar soni 300 nafarga yaqin.BuxDU Matbuot xizmati