11.01.2022

2020 yil 26 noyabr kuni universitetning Bosh yig‘ingohida “Yangi O‘zbekiston - Yangicha dunyoqarash” shiori ostida talabalar ishtirokida ma'naviy-ma'rifiy targ‘ibot tadbiri bo‘lib o‘tdi. Tadbirni Yoshlar bilan ishlash bo‘yicha prorektor A.M.Kadirov kirish so‘zi bilan ochib, Davlatimiz rahbari Sh.M.Mirziyoyevning tashabbuslari bilan mamlakatimizda olib borilayotgan islohotlarning mazmun-mohiyatini xalqimizga yetkazish, aholi kayfiyatini ko‘tarish, ularda islohotlarga daxldorlik tuyg‘usini mustahkamlash, mehr-oqibat, shukronalik, o‘zaro yordam kabi milliy va umuminsoniy qadriyatlarni yanada kuchaytirishga qaratilgan madaniy-ma'rifiy tadbirlar o‘tkazib borish borasida  oliy ta'lim muassasasalari tomonidan mahallalarda targ‘ibot ishlari tashkil etilayotganligini ta'kidlab o‘tdilar.Shuningdek, Yil talabasi-2020 universitet bosqichida faol ishtirok etgan bir guruh talabalarga faxriy yorliqlarni taqdim etdilar. Tarix va madaniy meros fakul'teti “Islom tarixi va manbashunosligi, falsafa” kafedrasi tadqiqotchisi Z.Narziyev mavzu doirasida barcha ishtirokchilarga ma'ruza qildilar. O‘zbekiston taraqqiyotning yangi bosqichiga qadam qo‘yganligi, shu tufayli Yangi O‘zbekiston iborasi paydo bo‘lganligi, Prezidentimiz tomonidan amalga oshirilayotgan  islohotlarning mazmun-mohiyatini mahallama-mahalla har bir aholiga yetkazish, ularning yuragiga kirib borish bosh maqsad etib qo‘yilgan. Tadbirda universitetning barcha dekan o‘rinbosarlari, kafedra mudirlari, professor-o‘iqtuvchilari ishtirok etdilar. Tadbir davomida talabalar tomonidan namoyish etilgan sahna ko‘rinishlari, vatanga bo‘lgan muhabbatni vasf etuvchi she'rlar, san'atkorlar tomonidan ijro etilgan kuy va qo‘shiqlar barchaga ko‘tarinki kayfiyat taqdim etdi.