11.01.2022

29-30-oktabr kunlari Rossiyaning Novosibirsk davlat universitetida “Sharq mamlakatlari tarixi, xalqaro munosabatlari va madaniyatini tadqiq qilishning dolzarb masalalari” mavzusidagi anʼanaviy xalqaro konferensiyasi bo‘lib o‘tadi. Konferensiyaning xorijlik ishtirokchilari onlayn ravishda ishtirok etishlari rejalashtirilgan.Novosibirsk davlat universiteti jahon akademik reytinglarida yuqori o‘rinni egallovchi (QS-2021 reytingida 228-o‘rin) oliy taʼlim muassasasi bo‘lib, faoliyatining asosini ilmiy tadqiqotlar tashkil etadi. Universitetimiz pedagog xodimlari qatorida ushbu nufuzli muassasada o‘z ilmiy tadqiqotlarini olib borgan hamkasblarimiz ham borligi, shuningdek joriy yil bitiruvchilaridan 3 nafarining grant asosida Novosibirsk davlat universiteti Mexanika-matematika fakulteti magistraturasiga qabul qilinganligi ham alohida eʼtiborga molik.Xalqaro konferensiya ishida universitet xalqaro hamkorlik bo‘yicha prorektori A.Jo‘rayev “Markaziy Osiyo mamlakatlari oliy taʼlimida xalqarolashuvning asosiy yo‘nalishlari” mavzusidagi maʼruzasi bilan ishtirok etdi. A.Jo‘rayev o‘z maʼruzasida mamlakatimiz oliy taʼlim tizimidagi xalqarolashuv chora-tadbirlari, xususan “O‘zbekiston oliy taʼlim tizimini 2030 yilgacha rivojlantirish konsepsiyasi” doirasida belgilangan vazifalar va erishilgan natijalar haqida maʼlumotlarni taqdim etdi. Shuningdek, amalga oshirilayotgan xalqaro loyihalar, almashinuv dasturlari, Erasmus+ loyihalarining xalqarolashuv strategiyalariga taʼsiri borasida fikr bildirildi.Xalqaro konferensiya o‘z ishini davom ettirmoqda.Xalqaro hamkorlik bo`limi