11.01.2022

Hozirgi kunga qadar Xorijiy tillar fakulteti Ingliz tilshunosligi kafedrasida maktablar bilan hamkorlik doirasida bir qator samarali ishlar olib borilmoqda. Shular jumlasidan, Buxoro shahar 29-maktab bilan hamkorlik rejasi asosida BuxDU ingliz tilshunosligi kafedrasi dotsenti M.M. Raxmatova boshchiligida ingliz tilini samarali o'qitish doirasida chora-tadbirlar o'tkazish rejalashtirilib kelinmoqda. Bundan tashqari, mazkur maktabning tajribali o'qituvchisi Xudoynazarova Nafisa tashabbusi bilan ham o'quvchilarning yosh xususiyatlaridan kelib chiqib har xil mavzulardagi tadbirlar tashkillashtirilgan bo'lib, mustahkam hamkorlik davom etib kelmoqda. Xususan, kuni kecha shu maktabning 1-"B", "V" hamda "G" sinf o'quvchilari tomonidan "XORIJIY TILLAR FAN OYLIGI" doirasida "Ertaklar olamiga sayohat" nomli tadbir dasturi o'tkazildi. Bu qizg'in kechgan tadbirda sahnalashtirilgan rus va dunyo xalqlari ertaklari ingliz tilida ijro etilib, tarbiyaviy ahamiyatga ega qo'shiqlar kuylandi va bu ishtirokchilarni juda mamnun etdi.